គូសងសឹក! ទោះចាញ់ថៃជើងទី១ តែជើងទី២នេះគ្រូធំវៀតណាមហាក់មិនញញើតសោះ និងថែមទាំងបោះសម្តីធ្ងន់ៗថា...

December 26, 2021

បរទេស៖ មុនជួបថៃការប្រកួតជើងទី ២ នៃពានររង្វាន់ AFF Suzuki Cup, គ្រូបង្វឹករបស់ក្រុមជម្រើសជាតិ វៀតណាម លោក Park Hang-Seoហាក់បង្ហាញក្តីជឿជាក់ទៅលើក្រុមខ្លួនជាខ្លាំងហើយថែមទាំងលើកឡើងថា ក្រុមរបស់លោកនឹងប្រឹងឱ្យអស់ពីសមត្ថភាពដើម្បីបំបាក់ក្រុមដំរីសឹកឱ្យបាន។

គួរបញ្ជាក់ថា កាលពីជើងទី ១កន្លងទៅក្រុមជម្រើសជាតិវៀតណាម បានបរាជ័យក្រោមថ្វីជើងក្រុមថៃក្នុងលទ្ធផល ២ ទល់នឹង០, ខណៈនៅជើងទី ២ នេះក្រុមវៀតណាមត្រូវការឈ្នះដាច់ខាត និងត្រូវការឈ្នះគ្រាប់បាល់ដាច់២ គ្រាប់ផងដែរ ទើបអាចមានឱកាសឡើងទៅកាន់វគ្គផ្តាច់ព្រ័ត្រ ដែលឥណ្ឌូណេស៊ីកំពុងរង់ចាំស្រាប់។

មុនជួបគ្នានៅរាត្រីនេះ វេលាម៉ោង ៧:៣០(ម៉ោងក្នុងប្រទេសកម្ពុជា) លោក Park Hang-Seo បានមានប្រសាសន៍យ៉ាងដូច្នេះថា៖

ការបរាជ័យ ០-២ នៅជើងទី ១ វាបានធ្វើឱ្យក្រុម វៀតណាម ពិបាកគ្រប់យ៉ាងនៅជើងទី ២នេះ។ប៉ុន្តែពួកយើងនឹងព្យាយាមធ្វើឱ្យបានល្អបំផុត។ ខ្ញុំចង់ឱ្យកីឡាករផ្តោតទៅលើតួនាទីរបស់ពួកគេហើយដំណើរការប្រកួតដោយភាពស្ងប់ស្ងាត់។ ថ្ងៃស្អែកទោះលទ្ធផលយ៉ាងណាក៏យើងមិនមានការសោកស្តាយឡើយ។
— លោក Park Hang-Seo

លោក Park Hang-Seo បានបន្ថែមទៀតថា៖

បន្ទាប់ពីការប្រកួតជើងទី ១បានបញ្ចប់, Theerathon ដូចជាឈ្លើយខ្លាំងណាស់ ហើយខ្ញុំបានប្រាប់គាត់ថាកុំធ្វើបែបហ្នឹងអី។ខ្ញុំយល់អារម្មណ៍របស់ក្រុមជម្រើសជាតិថៃ។ រយៈពេល ៤ ឆ្នាំចុងក្រោយនេះពួកគេទើបតែឈ្នះយើងបានម្តងប៉ុណ្ណោះដូច្នេះពួកគេសប្បាយអ៊ីចឹងហើយ។ ប្រសិនបើពួកគេជាកីឡាកររបស់ពួកយើងវិញ, ខ្ញុំនឹងប្រាប់ពួកគេថាកុំធ្វើបែបនឹងជាមួយដៃគូរបស់អ្នកអី៕
— លោក Park Hang-Seo

ប្រភព៖ vnexpress

ដៃគូរសហការ One Football

អានបន្ថែម