លោក Tuchel ថាមានកីឡាករម្នាក់នេះនៅក្នុងក្រុម ដូចមានកីឡាករសរុប១១នាក់កន្លះនៅលើទីលានអុីចឹង

March 18, 2021

អង់គ្លេស៖ អ្នកចាត់ការទូទៅក្រុមតោខៀវ Chelsea លោក Thomas Tuchel បានលើកឡើងថា វត្តមានរបស់ខ្សែបម្រើ N'Golo Kante នៅលើទីលានប្រៀបបានដូចជាមានកីឡាករចំនួន១១នាក់កន្លះ នៅក្នុងក្រុម។

ជាការពិតណាស់ នៅយប់មិញនេះ Kante បង្ហាញការលេងបានល្អឥតខ្ចោះដោយបានរួមចំណែកជួយ Chelsea យកឈ្នះ Atletico Madrid ក្នុងលទ្ធផល ២ទល់នឹង០ និង បានឡើងទៅកាន់វគ្គ៨ក្រុមចុងក្រោយនៃពានរង្វាន់ Champions League។

កីឡាករ N'Golo Kante ក្នុងការប្រកួតយប់មិញ

លោក Tuchel បាននិយាយថា៖

ខ្ញុំមិនដែលដឹងអំពីអាយុរបស់កីឡាករនៅក្នុងក្រុមឡើយ គឺ ខ្ញុំមើលតែលើទម្រង់លេងប៉ុណ្ណោះ។ ប្រសិនបើអ្នកមាន Kante នោក្នុងក្រុមប្រៀបបានដូចជាយើងលេងដោយមានកីឡាករ១១នាក់កន្លះនៅលើទីលានពីព្រោះគាត់ជួយយើងបានច្រើនណាស់។ ខ្ញុំពិតជារីករាយណាស់ដែលបានបង្វឹកគាត់ ហើយ នេះជាកាដូដ៏ធំបំផុតសម្រាប់ខ្ញុំ។ កុំមើលស្រាលគុណភាពរបស់គាត់ក្នុងការគ្រប់គ្រងបាល់ គាត់ពូកែក្នុងការរំដោះខ្លួនចេញពីការដាក់សម្ពាធរបស់ក្រុមគូប្រកួត៕
— លោក Thomas Tuchel

ប្រភព៖ goal

អានបន្ថែម