លក់បានថ្លៃណាស់! Ronaldo បានដាក់ដេញថ្លៃពាន Ballon d'Or មួយរបស់ខ្លួន ដោយបានប្រាក់ដល់ទៅ...

អឺរ៉ុប៖ ខ្សែប្រយុទ្ធ Cristiano Ronaldo បានដាក់ដេញថ្លៃពានបាល់មាស Ballon d'Or មួយក្នុងចំណោមប្រាំរបស់ខ្លួន ដើម្បីយកប្រាក់នោះមកធ្វើបរិច្ចាគលើមូលនិធិសប្បុរសធម៌។​

ក្រោយការដាក់ដេញថ្លៃរួចមក ពាន Ballon d'Or នេះមានអ្នកដេញថ្លៃខ្ពស់បំផុតគឺ ៦០០០០ អឺរ៉ូ(ស្មើនឹងប្រមាណ​៦៤៥០០ដុល្លារ) ដោយលោក Idan Ofer ដែលជាមហាសេដ្ឋីមានជាងគេនៅអ៊ីស្រាអ៊ែល ជាអ្នកឈ្នះការដេញថ្លៃនេះ។​

នេះមិនមែនជាលើកទី១ទេដែល ពាន Ballon d'Or ត្រូវដាក់ដេញថ្លៃ ព្រោះពានបាល់មាសឆ្នាំ ១៩៥៧ របស់លោក Alfredo di Stefano បានថ្លៃដល់ទៅ ៦០៨០០ ផោន(ស្មើនឹងប្រមាណ ៧៣៩០០ ដុល្លារ) ខណៈពានបាល់មាសឆ្នាំ ១៩៥៩ គឺដាក់លក់បានដល់ ៥៤៤០០អឺរ៉ូ(ស្មើនឹងប្រមាណ ៦៦១០០ ដុល្លារ) ឯណោះ។

​Ronaldo បានឈ្នះពាន Ballon d'Or លើកចុងក្រោយកាលពីឆ្នាំ២០១៧ ដោយសារព័ត៌មាន MARCA ផ្សាយថា ពានដែលបានដល់ដៃលោក Idan Ofer នោះគឺពាន Ballon d'Or ឆ្នាំ២០១៣៕

ប្រភព៖​ sportskeeda