អីយ៉ាស់! Fabrizio Romano ថា Man UTD កំពុងចង់បានយុវជនវ័យក្មេងរបស់ក្លិប Derby County ម្នាក់នេះ

អង់គ្លេស៖ អ្នកកាសែត Fabrizio Romano បានចុះផ្សាយថា ក្លិប​បិសាចក្រហម Manchester United កំពុងតាមដានទម្រង់លេងរបស់ ខ្សែប្រយុទ្ធ Malcolm Ebiowei នៃក្លិប Derby County ។

​កីឡាករសញ្ជាតិអង់គ្លេសរូបនេះបានបង្ហាញទម្រង់លេងយ៉ាងល្អឲ្យភាគីលោក Wayne Rooney ដោយស៊ុតបញ្ចូលទីបាន១គ្រាប់និងបញ្ជូនបាល់២គ្រាប់ ក្នុងការបង្ហាញខ្លួនចំនួន១៦ប្រកួត។​

យ៉ាងណាមិញ Ebiowei មានកុងត្រារយៈពេលខ្លីប៉ុណ្ណោះជាមួយ Derby County នឹងអាចបញ្ចប់នៅរដូវក្ដៅឆ្នាំនេះទើប Man UTD ចង់បានគេមកទឹកដី Old Trafford តែម្ដង។​

ប៉ុន្តែ Romano ថាក្លិបបីផ្សេងទៀតដូចជា Crystal Palace,Tottenham, Monaco និង Vitesse ក៏កំពុងចាប់អារម្មណ៍គេដែរ៕

ប្រភព៖​ sportskeeda