អីយ៉ាស់! Man UTD ទទួលបាន ភ្លើងខៀវឱ្យចូលចែចូវ គោលដៅរបស់លោក Ten Hag រូបនេះហើយ

បរទេស៖ ក្លិប Manchester United ទីបំផុតត្រូវបានបើកភ្លើងខៀវឱ្យទិញយកកីឡាករCody Gakpo របស់ក្រុម PSV Eindhoven ហើយ, នេះបើតាមរបាយការណ៍នៅបរទេស។

ជាការពិតណាស់ Man UTD ចាប់អារម្មណ៍ចង់បានខ្សែប្រយុទ្ធ ហូឡង់ ខាងលើតាំងពីទីផ្សារដោះដូរកីឡាកររដូវក្តៅមកម្ល៉េះប៉ុន្តែបន្ទាប់ពីការចរចារួច ក៏បានបរាជ័យទៅវិញ ដោយសារតែក្លិបនិងក្លិបនិយាយតម្លៃផ្ទេរមិនត្រូវរ៉ូវគ្នា។

សម្រាប់ Gakpo ខ្សែប្រយុទ្ធវ័យ ២៣ ឆ្នាំ រូបគេពិតជាធ្វើបានល្អមែនទែនជាមួយ PSVក្នុងនោះរូបគេរកបាន ៩ គ្រាប់ និង Assist ១២ លើកក្នុងចំណោមការបង្ហាញខ្លួន ១៤ ប្រកួតហើយក្នុងនោះរូបគេក៏បានចូលរួមជួយចំណែកច្រើនផងដែរ ក្នុងការជួយឱ្យហូឡង់ ឡើងមកកាន់វគ្គ៨ ក្រុមចុងក្រោយនៃព្រឹត្តិការណ៍ World Cup មុនពេលបរាជ័យក្រោមថ្វីជើងក្រុម អាហ្សង់ទីន។

ទន្ទឹមនឹងការបង្ហាញសមត្ថភាពដ៏ល្អបែបនេះGakpo ហាក់ទទួលបានការចាប់អារម្មណ៍ពីក្លិបធំៗច្រើនមែនទែនហើយក្នុងនោះក៏មាន Man UTD មួយផងដែរ,ខណៈបច្ចុប្បន្នជាដំណឹងល្អមួយសម្រាប់ក្រុមរបស់លោក Erik Ten Hag បន្ទាប់ពីអ្នកចាត់ការរបស់ PSV លោក Ruud van Nistelrooy បានបង្ហើបបើកភ្លើងខៀវឱ្យខ្សែប្រយុទ្ធរបស់ហូឡង់ចាកចេញនៅទីផ្សារដោះដូរខែមករានេះ៕

ប្រភព៖​ Sportbible