គេឲ្យ៨លានមួយឆ្នាំ! ក្រោយចែកផ្លូវពី Man UTD, Pogba ត្រៀមផ្លាស់ទៅក្លិបយក្សនៅអឺរ៉ុបមួយនេះជាមួយកុងត្រា៤ឆ្នាំ

អឺរ៉ុប៖ យោងតាមសារព័ត៌មាន Gazetta dello Sport បានឲ្យដឹងថា ខ្សែបម្រើ Paul Pogba ត្រៀមផ្លាស់ទៅចូលរួមជាមួយក្លិប Juventus ដោយនឹងទទួលបានកុងត្រា៤ឆ្នាំ។

Manchester United បានប្រកាសថាកីឡាករសញ្ជាតិបារាំងរូបនេះនឹងចាកចេញពីក្លិបដោយគ្មានតម្លៃខ្លួន បន្ទាប់ពីការចរចាកុងត្រាដួលរលំ ហើយឥលូវនេះ Juventus ដែលជាអតីតក្លិប Pogba ធ្លាប់ចំណាយពេល៤រដូវកាលជាមួយ កំពុងមានអាទិភាពក្នុងការយកគេទៅរួមក្រុមជាមួយសាជាថ្មី។

Pogba ចំណាយពេលស្នាក់នៅទឹកដីក្រុង Turin ៤ឆ្នាំគឺកំលុងឆ្នាំ២០១២ ដល់ ២០១៦ ដោយគេបានជួយឲ្យ Juventus លើកពាន៨ធំៗ គឺ Serie A បួនដងជាប់ៗគ្នា។

ដោយឡែក ការវិលត្រឡប់មកលើកនេះគឺ Pogba បានយល់ព្រមទទួលប្រាក់ឈ្នួលចំនួន ៨លានអឺរ៉ូ(ស្មើនឹងប្រមាណ ៨.៣ លានដុល្លារ)ក្នុងមួយឆ្នាំ ហើយប្រាក់ឈ្នួលប្រចាំសប្តាហ៍របស់គេគឺ ១៣១០០០ផោន(ស្មើនឹងប្រមាណ ១៣៦០០០ ដុល្លារ)ដែលទទួលបានតិចជាងកាលនៅ Man United។

យ៉ាងណាមិញ Pogba នៅតែអាចទទួលបានប្រាក់បន្ថែម ២លានអឺរ៉ូ(ស្មើនឹងប្រមាណ ២.០៨ លានដុល្លារ)ក្នុងមួយឆ្នាំពី Juventus ផងដែរ៕

ប្រភព៖​ mirror