លេងចឹងហ្មង! Ronaldo បានដកដបកូកាចេញ និង ជំនួសវិញដោយដបទឹក ក្នុងសន្និសិទកាសែតមុននេះបន្តិច (មានវីដេអូ)

ព័រទុយហ្កាល់៖ ខ្សែប្រយុទ្ធក្រុមជម្រើសជាតិព័រទុយហ្កាល់​ កីឡាករ Cristiano Ronaldo បានដកនូវដបកូកាដែលបានដាក់នៅទល់មុខខ្លួនក្នុងសន្និសិទសារព័ត៌មានមុនការប្រកួត EURO ដោយរូបគេបានជំនួសវិញដោយដបទឹកសុទ្ធ។

ជាការពិតណាស់ ក្រុមហ៊ុនភេជ្ជៈកូកាកូឡា គឺ ជាអ្នកឧបត្ថម្ភផ្លូវការណ៍របស់ព្រឹត្តិការណ៍ EURO ប៉ុន្តែ Ronaldo គិតថាវាមិនល្អសម្រាប់សុខភាពឡើយ ហើយ គ្មានអ្វីដែលល្អជាងទឹកបរិសុទ្ធឡើយ។ អ្វីដែលគួរឲ្យភ្ញាក់ផ្អើលនោះ ហើយ មិនមានអ្វីត្រូវគិតច្រើនឡើយ កីឡាករសញ្ជាតិព័រទុយកាល់ខាងលើ ក៏បានដកកំប៉ុងកូឡាដែលបានដាក់លើតុនោះទុកចោលម្តុំ និង បានយកទឹកមកដាក់នៅខាងមុខខ្លួនវិញតែម្តង៕