បរទេស៖ ស្ងាត់ៗបានលេចចេញរូបភាពដែលមិននឹកស្មានមួយរបស់ Lisa នៃក្រុម BLACKPINK បន្ទាប់ពីនាងបានចែករំលែករូបថតរបស់នាងជាមួយ Neymar Jr. នៅលើ Instagram ។
គួរដឹងថា Lisa គឺជាតារា K-pop ដ៏ល្បីប្រចាំប្រទេសកូរ៉េខាងត្បូង ហើយនាងធ្លាប់បានបង្កើតកំណត់ត្រាពិភពលោក Guinness World Records ចំនួនបី គឺនៅទីក្រុងប៉ារីសក្នុងកម្មវិធី Fashion Week។
ជាមួយគ្នានេះ Lisa ក៏ធ្លាប់បានបំបែកឯកត្តកម្មដ៏អស្ចារ្យមួយផងដែរ ដោយបទមួយនៅក្នុងឆ្នាំ ២០២១ ដែលនាងច្រៀងម្នាក់ឯង គឺមានអ្នកចូលមើលនៅលើ YouTube ច្រើនបំផុតក្នុងរយៈពេល 24 ម៉ោង ចំនួន (73.6 លាននាក់)។
បើយើងក្រឡេកមកមើលជីវិតក្រៅឆាកវិញ សម្រាប់ Lisa នាងគឺមិនទាន់មានព័ត៌មានណាមួយ ដែលបញ្ជាក់ពីជិវិតគូស្នេហ៍របស់នាងនៅឡើយទេ ប៉ុន្តែថ្មីៗនេះនាងស្រាប់តែបង្ហោះរូបថតយ៉ាងស្និទ្ធស្នាលជាមួយ Neymar ដែលជាតារាបាល់ទាត់ដ៏ល្បីរបស់ប្រេស៊ីល និងក្រុម Paris Saint-Germain។
ហើយអ្វីដែលធ្វើឱ្យយើងចាប់អារម្មណ៍ថែមទៀតនោះ បន្ទាប់ពី Lisa បង្ហោះរូបមួយនេះ Neymar ក៏បានធ្វើការស៊ែរូបនេះទៅក្នុងគណនី IG របស់ខ្លួនផងដែរ ដូច្នេះរឿងរ៉ាវបែបនេះកាន់តែធ្វើឱ្យអ្នកគាំទ្ររបស់ពួកគេទាំង ២ មានការសង្ស័យ។
តើនេះអាចជាចំណុចចាប់ផ្តើមស្នេហារបស់តារា K-pop កូរ៉េខាងត្បូង និងតារាបាល់ទាត់ប្រេស៊ីលឬយ៉ាងណា?
ប្រភព៖ soccergator