ដំណឹងល្អ! កីឡាកររបស់ Chelsea រូបនេះកាន់តែកៀកក្នុងការបន្តកុងត្រាថ្មីជាមួយក្លិបហើយ

អង់គ្លេស៖ ខ្សែការពារ Trevoh Chalobah កាន់តែកៀកក្នុងការបន្តកុងត្រាថ្មីជាមួយក្លិបតោខៀវ Chelsea ហើយ។

កីឡាករដែលបណ្ដុះចេញពីថ្នាលយុវជនរបស់ Chelsea រូបនេះបានឡើងមកលេងនៅឈុតធំជាស្ថាពរបន្ទាប់ពីលោក Thomas Tuchel ឃើញថាគេលេងបានល្អនៅការប្រកួតមុនបើករដូវកាល។

Chalobah បានបង្ហាញខ្លួនក្នុងការប្រកួត Super Cup ទល់នឹង Villarreal ផងដែរហើយក្រោយៗមកគេក៏មានវត្តមានក្នុងជម្រើស១១នាក់ដំបូងរបស់ Chelsea ។

សារព័ត៌មាន Football London បានរាយការណ៍ថា ក្លិបនឹងបន្តកុងត្រាថ្មីចងជើងគេដោយមកទល់ពេលនេះ មានការជជែកគ្នាកើតឡើងជាបណ្ដើរៗហើយ។

កុងត្រារបស់ Chalobah នឹងអស់សុពុលភាពនៅឆ្នាំ២០២៣ ដោយកន្លងមកគេធ្លាប់លេងខ្ចីជើងនៅក្លិប Ipswich,​​ Huddersfield និង FC Lorient ដោយធ្លាប់ស៊ុតបញ្ចូលទីបាន១គ្រាប់ទល់នឹងក្លិប Crystal Palace ផងដែរ៕

ប្រភព៖​ thesun