កប់ហ្មង! មកស្គាល់ឡានស៊េរីថ្មីរបស់ Ronaldo មួយគ្រឿង ដែលមានតម្លៃរហូតដល់ទៅ ៩.៥ លានអឺរ៉ូ

បរទេស៖ កីឡាករ Cristiano Ronaldo ត្រូវបានគេរាយការណ៍មកថា លោកទើបតែបានទិញរថយន្តសេរីទំនើបថ្មីមួយ (ម៉ាក BugattiCentodieci) ដែលមានតម្លៃរហូតដល់ទៅ ៩.៥ លានអឺរ៉ូ ឬប្រមាណជា (១១ លានដុល្លាអាមេរិក)ឯណោះ ហើយឡាននេះមានត្រឹមតែ ១០ គ្រឿងប៉ុណ្ណោះនៅលើលោក, ខណៈសមត្ថភាពដ៏អស្ចារ្យរបស់ឡាននេះ គឺអាចរត់ចម្ងាយផ្លូវបាន ១០០ គីឡូម៉ែត្រ ក្នុងមួយម៉ោងដោយចាយពេលត្រឹមតែ ២.៤ វិនាទីប៉ុណ្ណោះ។

ជាការពិតណាស់ខ្សែប្រយុទ្ធឆ្នើមរបស់ក្រុម Manchester United គឺជាមនុស្សម្នាក់ដែលចូលចិត្តប្រើប្រាស់ឡានម៉ាកស៊េរីទំនើបមែនទែន។ហើយគាត់ជាអតិថិជនលំដាប់ម្នាក់របស់ក្រុមហ៊ុន Bugatti Vehicles, យ៉ាងណាមិញ ម្ចាស់ពាន Ballon d’Or ៥ សម័យធ្លាប់បានជាវរថយន្តដែលមានម៉ាកទំនើបៗនិងថ្លៃៗមួយចំនួនទៀតដូចជា Chiron, the Veyron និង La Voiture ជាដើម។

ហើយក្រៅអំពីម៉ាកឡានល្បីៗដែលបានរៀបរាប់ខាងលើRonaldo ក៏ជាម្ចាស់ឡានប្រណីតៗជាច្រើនទៀតក្នុងនោះមានFerrari F430, Phantom Rolls-Royce,Lamborghini Aventador និង iconic MaseratiGranCabrio៕

ប្រភព៖​ Sportbible