ផ្លូវការ! PSG ទិញបានតារាឆ្នើមព័រទុយហ្គាល់រូបនេះ មករួមក្រុមហើយ

August 5, 2022

បារាំង៖ ក្លិប Paris Saint Germain បានប្រកាសជាផ្លូវការអំពីការចុះហត្ថលេខានាំយក កីឡាករ Renato Sanchez មករួមក្រុមសម្រាប់រដូវកាលថ្មីខាងមុខនេះក្នុងតម្លៃផ្ទេរ ១៥លានអឺរ៉ូ (ឬប្រមាណ ១៥លានដុល្លារ)។

ជាការពិតណាស់ Sanchez ដែលបច្ចុប្បន្នមានវ័យ២៤ឆ្នាំ តែងតែត្រូវបានក្លិបធំៗនៅអឺរ៉ុបតាមតោងគ្នាចង់បានគ្នាខ្លាំង ក៏ព្រោះតែសមត្ថភាពញាក់បាល់ បណ្តើរបាល់ បញ្ជូនបាល់ និង ថ្វីជើងបញ្ចប់ទីដ៏ល្អរបស់គេ ជាពិសេសកាលពីរដូវកាលមុនគេបានរួមចំណែកយ៉ាងធំធេងក្នុងការជួយក្លិប Lille ឈ្នះពានលីគកំពូលបារាំង Ligue 1 ផងដែរ។

Sanchez បាននិយាយថា៖

ខ្ញុំពិតជារីករាយណាស់ដែលបានមកដល់ទីនេះនាទីក្រុងប៉ារីស។ ប៉ុន្មានថ្ងៃចុងក្រោយនេះ វា ពិតជាមានសារៈសំខាន់មែនទែនសម្រាប់ខ្ញុំ និង គ្រួសាររបស់ខ្ញុំ។ ខ្ញុំប្រាកដថាខ្ញុំបានសម្រេចចិត្តដ៏ត្រឹមត្រូវក្នុងការចុះហត្ថលេខាជ្រើសរើសយក PSG។ ការបន្តស្នាក់នៅនាប្រទេសបារាំងគឺសំខាន់សម្រាប់ខ្ញុំ ព្រោះខ្ញុំស្គាល់លីគកំពូលនេះរួចហើយ៕
— កីឡាករ Renato Sanchez

ប្រភព៖ Paris Saint Germain

ដៃគូរសហការ One Football

អានបន្ថែម