ក្តៅៗ! វីរកីឡាការិនី អ៊ុក ស្រីមុំ និង អ៊ុន ស្រីយ៉ាចាប់ដៃគូគ្នាដណ្តើមបានមេដាយមាសកម្រិតពិភពលោកទី ២ជូនកម្ពុជា

អាមេរិក៖ នៅថ្ងៃនេះវីរកីឡាការិនី អ៊ុក ស្រីមុំ ចាប់ដៃគូគ្នាជាមួយវីរកីឡាការិនីអ៊ុន ស្រីយ៉ា ដណ្តើមបានមេដាយមាសទី ២ ជូនកម្ពុជា ក្នុងការប្រកួតប៉េតង់ វាយគូ ២នាក់ទល់នឹង ២នាក់ នៃព្រឹត្តិការណ៍ World Game 2022 ដែលធ្វើឡើងនៅ សហរដ្ឋអាមេរិក។

ខណៈនៅថ្ងៃម្សិលមិញកម្ពុជាក៏ទទួលបានមេដាយមាសនៃព្រឹត្តិការណ៍លំដាប់ថ្នាក់ពិភពលោកមួយនេះមួយគ្រឿងដែរ ដោយវីរកីឡាការិនី អ៊ុក ស្រីមុំ យកឈ្នះម្ចាស់ផ្ទះអាមេរិកក្នុងលទ្ធផល ៤១ ទល់នឹង ២១ លើវិញ្ញាសាវាយយកពិន្ទុ។

គួរបញ្ជាក់ថា នៅក្នុងការប្រកួតវិញ្ញាសា២ នាក់ ទល់នឹង ២នាក់នេះ វីរកីឡាការិនី អ៊ុក ស្រីមុំ និង អ៊ុន ស្រីយ៉ាបានផ្តួលកីឡាការិនីមកពី បារាំង Nadege BAUSSIAN និង Caroline Marie BOURRIAUD នៅវគ្គផ្តាច់ព្រ័ត្រក្នុងលទ្ធផល ៦ ទល់នឹង ៤៕