លោក Wright ថា លោក Rangnick អត់ផ្តល់សេចក្តីទុកចិត្តលើកីឡាករវ័យក្មេង រូបនេះសោះ

January 4, 2022

អង់គ្លេស៖ អតីតកីឡាករជម្រើសជាតិអង់គ្លេស លោក Ian Wright បានបង្ហាញការយល់ឃើញថា លោក Ralf Rangnick ពុំបានផ្តល់សេចក្តីទុកចិត្តមកលើកីឡាករ Mason Greenwood ឡើយក្នុងការបង្ហាញខ្លួន។

ជាការពិតណាស់ កាលពីយប់មិញនេះ Greenwood បានបង្ហាញខ្លួនជាជម្រើសដំបូងក្នុងការប្រកួតទល់នឹង Wolves ប៉ុន្តែរូបគេត្រូវបានប្តូរចេញពីទីលានវិញនៅនាទីទី៦០ ជំនួសវិញដោយ Bruno Fernandes ខណៈ លទ្ធផលបញ្ចប់ការប្រកួតនោះ គឺ Manchester United បានរងបរាជ័យក្នុងលទ្ធផល ១ទល់នឹង០។

កីឡាករ Mason Greenwood — កីឡាករ Mason Greenwood

លោក Wright បាននិយាយថា៖

អ្នកនឹងមិនដក Edinson Cavani ឬ Cristiano Ronaldo ឡើយ ប៉ុន្តែ អ្នកបែរជាដកចេញ Greenwood ដែលជាកីឡាករស្ថិតក្នុងអាយុមិនភ័យខ្លាចអ្វីសោះ។ យើងដឹងថាគាត់មានសមត្ថភាពប៉ុណ្ណាក្នុងការជួយក្រុម។ គាត់តែងតែព្យាយាមប្រជែងយកបាល់ និង ញាក់បាល់ជាមួយគូប្រកួត។ ហេតុអ្វីបានជាអ្នកដាក់ Nemanja Matic និង Scott McTominay លេងពេញ៩០នាទីទាំងដែលក្រុមកំពុងត្រូវការអ្វីមួយ ខ្ញុំពិតជាមិនយល់នោះទេ៕
— លោក Ian Wright

ប្រភព៖ metro

ដៃគូរសហការ One Football

អានបន្ថែម