អស្ចារ្យណាស់! ធឿន ធារ៉ា ឡើងឈរចំណាត់ថ្នាក់ទី ១ នៅស្ថាប័ន WMO ក្រោយបំបា»_ក់ សៃយុគ និង Bigwin

កម្ពុជា៖ ពិតជាអស្ចារ្យណាស់សម្រាប់អ្នកប្រដាល់របស់ កម្ពុជា គឺកីឡាករ ធឿន ធារ៉ា កូនសិស្សរបស់លោកគ្រូ អេភូថង បន្ទាប់ពីរូបគេត្រូវបានបញ្ចូលឈ្មោះទៅក្នុងស្ថាប័នប្រដាល់ពិភពលោក WMO ដោយឈរនៅតំណែងទី ១ ក្នុងចំណោមកីឡាករ ៣០ នាក់មកពីជុំវិញពិភពលោកលើប្រភេទទម្ងន់ Middleweight ៧២.៥ គីឡូក្រាម។

ធឿន ធារ៉ា ហាក់ឡើងកូដខ្លាំងមែនទែន បន្ទាប់ពីថ្មីៗនេះរូបគេបានបំបាក់ជើងខ្លាំងថៃចំនួន ២ រូប រួមមាន សៃយុគ នៅសង្វាន Thai Fight និង Beckham Bigwin ដែលជាម្ចាស់ខ្សែក្រវាត់ WBC នៅសង្វានរបស់ទូរទស្សន៍ Town កាលពីថ្ងៃទី ៣១ ខែ ធ្នូ ឆ្នាំ ២០២២ កន្លងទៅ។

គួរបញ្ជាក់ថា ធារ៉ា ពេលនេះគឺបានឈរនៅចំណាត់ថ្នាក់ទី ១ ដោយឈរនៅពីលើ Beckham Bigwin ដែលស្ថិតនៅចំណាត់ថ្នាក់ទី ២, Youssef Boughanem ឈរនៅចំណាត់ថ្នាក់ទី ៣, David Pennimpede ឈរនៅចំណាត់ថ្នាក់ទី ៤, សៃយុគ ឈរនៅចំណាត់ថ្នាក់ទី ៥ និងកីឡាករចំនួន ២៥ នាក់ទៀត៕