ចុម! មានដឹងអត់ថា រៀមច្បង Messi បោះឆ្នោតឲ្យ កីឡាករឆ្នើមវ័យក្មេងណាខ្លះ នៅក្នុងពាន Kopa Trophy

បរទេស៖ បើយោងទៅតាមសារកាសែត Sport របស់អេស៉្បាញបានចុះផ្សាយឲ្យដឹង កីឡាករឆ្នើម Lionel Messi បានបោះឆ្នោតឲ្យ សិស្សប្អូនចំនួនបីនាក់ នៅក្នុងពិភពបាល់ទាត់ សម្រាប់ការជែងយកពានកីឡាករឆ្នើមវ័យក្មេង Kopa Trophy។

ជាការពិតណាស់ យើងដឹងហើយថា ម្ចាស់ពាន Kopa Trophy ក្នុងឆ្នាំនេះ គឺកីឡាករវ័យក្មេងរបស់​ Barcelona Gavi ជាអ្នកទទួល ស្របពេលដែល ២ឆ្នាំជាប់គ្នាហើយ ដែលកីឡាករ Barca ជាអ្នកឈ្នះពាននេះ ដោយឆ្នាំមុននោះគឺ Pedri ជាអ្នកទទួលបាន។​

បើយោងទៅតាមប្រភពខាងលើដដែលបានបញ្ចាក់បន្ថែមឲ្យដឹងថា កីឡាករវ័យក្មេងដែល Messi បានចុចឈ្មោះនោះគឺមាន Gavi ដែលជាម្ចាស់ពាននេះឯង ខណៈដែលជម្រើសទី២ គឺ កីឡាករ Nuno Mendes,​ និងជម្រើសចុងក្រោយបង្អស់គឺ Messi បានជ្រើសយក កីឡាករ Jude Bellingham របស់ Dortmund៕

ប្រភព៖​ sportbible