Ferdinand ថា Liverpool គួរតែលក់កីឡាករម្នាក់នេះជំនួស Mane

February 3, 2023

អង់គ្លេស៖ លោក Rio Ferdinand បាននិយាយថា Liverpool គួរតែលក់ខ្សែប្រយុទ្ធ Roberto Firmino មិនមែន Sadio Mane នោះទេ។

Mane បានចាកចេញពីទឹកដី Anfield ដោយផ្ទេរទៅ Bayern Munich កាលពីរដូវក្ដៅឆ្នាំមុន ហើយក្រោយការចាកចេញរបស់គេគឺ ក្រុមរបស់លោក Jurgen Klopp បានធ្លាក់ទម្រង់លេងជាខ្លាំង និងធ្លាក់ចេញពីពាន FA Cup និង Carabao Cup ផងដែរ ឯចំណែកនៅ Premier League វិញគឺក្រុមនេះឈរនៅលេខរៀងទី៩ឯណោះ។

យ៉ាងណាមិញ លោក Ferdinand បានបង្ហាញការយល់ឃើញថា៖

ហេតុអ្វីបានជាពួកគេមិនព្រមដំឡើងប្រាក់ឈ្នួលឲ្យគេស្នាក់នៅបន្តទៅ? ខ្ញុំគិតថាពួកគេដោះលែងមនុស្សខុសហើយ គឺគួរតែឲ្យ Firmino ចាកចេញ។ ខ្ញុំគ្រាន់តែមិនយល់ថាហេតុអីបានជាអ្នកឲ្យកីឡាករលំដាប់ថ្នាក់ពិភពលោកចាកចេញ ដែលគេអាចនឹងស្នាក់នៅបន្តបើសិនជាក្លិបឲ្យកុងត្រាដូចដែល Salah បានទទួល។
— លោក Rio Ferdinand

Sadio Mane រកបាន១២០គ្រាប់ និងបញ្ជូនបាល់៤៨គ្រាប់ក្នុងការបង្ហាញខ្លួន២៦៩ប្រកួតឲ្យ Liverpool ៕

ប្រភព៖ sportskeeda

ដៃគូរសហការ One Football

អានបន្ថែម