ខ្សែការពារ ទេស សម្បត្តិ និយាយអ្វីខ្លះ​មុនពេល​ជួប​បារ៉ែន​យប់​នេះ​?​

ការប្រកួតជម្រុះបាល់ទាត់ពិភពលោក ប្រចាំទ្វីបអាស៊ី (2022 FIFA World Cup qualification) សម្រាប់​ការប្រកួតប្រចាំពូល C រវាងម្ចាស់ផ្ទះបារ៉ែន ជាមួយ គោព្រៃកម្ពុជា ដែលនិងធ្វើឡើងនៅយប់ថ្ងៃទី០៣ ខែមិថុនា ឆ្នាំ២០២១ វេលាម៉ោង១១:៣០យប់នេះ ខណៈមុនការប្រកួតខ្សែការពារវ័យក្មេង កីឡាករទេស សម្បត្តិបានលើក​ឡើង​អំពីការត្រៀមខ្លួនរបស់ក្រុមជម្រើសជាតិកម្ពុជា។

ខ្សែការពាឆ្នើមរូបនេះបាននិយាយថា៖ “យើងបានត្រៀមខ្លួនរួចរាល់ហើយ សម្រាប់ការប្រកួតយប់នេះ ហើយវាពិតជា​មាន​ការប្រកួតប្រជែងខ្លាំងណាស់ ដើម្បីទទួលបានលទ្ធផលដែលយើងចង់បាន នៅក្នុងពូលនេះ ប៉ុន្តែយើងមិន​ដែល​បោះបង់ឆន្ទៈ ដើម្បីប្រជែងនឹងក្រុមដទៃទេ ពួកយើងនឹងបង្ហាញអ្វីដែលបានធ្វើក្នុងការហ្វឹកហាត់ ហើយពួកយើងនឹង​បង្ហាញ​ប្រព័ន្ធដែលមានប្រសិទ្ធភាពរបស់យើងនៅយប់នេះ”៕