លោក Klopp និយាយម៉េចខ្លះ ក្រោយ Gini Wijnaldum ចូលរួមជាមួយ PSG?

គ្រប់មន្ទិលសង្ស័យទាំងឡាយនៅក្នុងវិស័យបាល់ទាត់ទាក់ទងអំពីអនាគតរបស់កីឡាករ Georginio Wijnaldum ត្រូវបានបញ្ជប់បន្ទាប់ពីក្លឹបយក្សបារាំង Paris Saint-Germain បានប្រកាសពីការចុះកុងត្រាយកអតីតកីឡាករ​ហង្ស​ក្រហម Liverpool រូបនេះ ។ ក្នុងនោះដែរលោក Jurgen Klopp ដែលជាអតីតគ្រូបង្វឹករបស់ Gini Wijnaldum ក៏បានបញ្ជេញពាក្យពេចន៍ក្នុងចិត្តមួយចំនួនផ្ញើរដល់រូបគេផងដែរ ។ 

លោកបាននិយាយថា Gini Wijnaldum ជាមនុស្សដ៏ល្អមួយរូបដែលនាំមកនូវលទ្ធផលវិជ្ជមាន​ជាច្រើនដល់ក្រុម​កាល​ពី​គេនៅលេងឲ្យ Liverpool ហើយមនុស្សគ្រប់គ្នានឹងនឹកនាដល់រូបគេ ។ លោក៏បានបន្តដែរថា លោកមិនបាន​ភ្ញាក់ផ្អើលឡើងដែលរូបគេបានចូលរួមជាមួយក្លឹបអ្នកមាន Paris Saint-Germain ព្រោះក្លឹបនេះជាក្លឹបល្អមួយ ។ លើសពីនេះទៅទៀតលោកក៏បាននិយាយដែរថា រូបគេចូលរួមជាមួយ Liverpool ជាមួយនឹងចក្ខុវិស័យ ហើយពេល​នេះ​គេចាកចេញក្នុងនាមជាវីរបុរសរបស់ក្លឹប៕