កប់ណាស់! ស្ងាត់ៗ R.Madrid ឈានដល់កិច្ចព្រមព្រៀងខ្ចីជើង កីឡាករវ័យក្មេងរូបនេះ ពី Bundesliga

បរទេស៖ យោងទៅតាមរបាយការណ៍បានឲ្យដឹងថា ក្លិប Real Madrid បានឈានដល់កិច្ចព្រមព្រៀងខ្ចីជើង ខ្សែប្រយុទ្ធវ័យក្មេង កីឡាករ Iker Bravo ពីក្លិប Bayern Leverkusen។

ជាការពិតណាស់ Bravo ទើបតែផ្លាស់ពីក្រុមយុវជនរបស់ Barcelona ទៅថ្នាលយុវជនអាយុក្រោម ១៩ឆ្នាំ របស់ Leverkusen កាលពីរដូវក្តៅមុននេះ ហើយគេបានបន្តបង្ហាញខ្លួនឲ្យឈុតធំបានពីរប្រកួត កំឡុងការប្រកួតពាន DFB-Pokal ទល់នឹងក្រុម Karlsruher និង ក្នុងលីគកំពូលទល់ក្រុម Hertha Berlin។

បើយោងទៅតាមសារកាសែត Sportsmole បានចុះផ្សាយឲ្យដឹងថា ថ្មីៗនេះ Bravo បានត្រលប់មកទឹកដីអេស្ប៉ាញវិញ ដោយចូលរួមជាមួយក្លិប R.Madrid ក្នុងលក្ខខណ្ឌខ្ចីជើង រយៈពេលវែង ក៏ប៉ុន្តែយ៉ាងណាមិញ Bravo មិនទាន់មានឈ្មោះចូលឈុតធំនៅឡើយទេ ដោយរូបគេត្រូវចូលរួមជាមួយឈុតតូចរបស់ R.Madrid ជាមុនសិន ដោយបច្ចុប្បន្នកំពុងលេងនៅលីគទីបី ក្រោយការដឹកនាំរបស់លោក Raul៕

ប្រភព៖​ sportsmole