ស្ងាត់ៗ ជើងខ្លាំង Chelsea ម្នាក់នេះចង់ផ្លាស់ទៅលេងនៅ Newcastle ហើយ

អង់គ្លេស៖ សារព័ត៌មាន Todofichajes បានចុះផ្សាយថា ខ្សែបម្រើ Christian Pulisic ចង់ចាកចេញពីក្លិប Chelsea និងផ្ទេរទៅ Newcastle នាខែមករាខាងមុខនេះ។

Newcastle ចង់បាន Pulisic មករួមក្រុមតាំងពីទីផ្សាររដូវក្ដៅបើកទ្វារ ប៉ុន្តែចុងក្រោយ ប្រធានក្រុមជម្រើសជាតិអាមេរិករូបនេះពុំបានចាកចេញពីទឹកដី Stamford Bridge នោះទេ។

កុងត្រារបស់ Pulisic នឹងអស់សុពុលភាពនៅឆ្នាំ២០២៤ខាងមុខដោយ Newcastle ត្រៀមប្រាក់ខ្ទង់ ៣៩.២ លានដុល្លារក្នុងការទិញយកកីឡាកររូបនេះ។

Christian Pulisic ផ្ទាល់ក៏មិនសប្បាយចិត្តដែរដែលមិនសូវបានចូលលេង ជាពិសេសក្រោមការដឹកនាំរបស់លោក Thomas Tuchel ជាអតីតគ្រូ ហើយពេលលោក Graham Potter ត្រូវតែងតាំង រូបគេក៏បានជាប់ជម្រើស១១នាក់ដំបូងតែ២ប្រកួតប៉ុណ្ណោះនៅ Premier League នារដូវកាលនេះ៕

ប្រភព៖​ caughtoffside