លេងមែនទែន! Arsenal បានដាក់សំណើ ៧០លាន ដើម្បីទិញយកតារាឆ្នើម Brighton រូបនេះ
January 30, 2023
អង់គ្លេស៖ ក្លិបកាំភ្លើងធំ Arsenal ត្រូវបានគេរាយការណ៍ថា បានដាក់សំណើចំនួន ៧០លានផោន (ឬប្រមាណ ៨៦.៧ លានដុល្លារ) ទៅកាន់ Brighton ក្នុងការទិញយកខ្សែបម្រើការពារ Moises Caicedo មករួមក្រុម។
ជាការពិតណាស់ នាពេលថ្មីៗនេះ Brighton ទើបតែបានបដិសេធសំណើ ៦០លានផោន របស់ Arsenal ខណៈ សាមីខ្លួនផ្ទាល់ពិតជាចង់ចាកចេញពីក្រុមខ្លាំងមែនទែនដើម្បីផ្លាស់មកកាន់កីឡដ្ឋាន Emirates រហូតដល់ថ្នាក់ អ្នកចាត់ការក្រុមដាក់ពិន័យមិនឲ្យគេចូលរួមហ្វឹកហាត់ទៀតផង។
ក្នុងនោះបើយោងទៅតាមការចុះផ្សាយរបស់លោក Fabrizio Romano បានលើកឡើងថា ជាថ្មីម្តងទៀត Arsenal បានដាក់សំណើបន្ថែម ១០លានផោនទៀត ពោលគឺ ៧០លានផោន ដើម្បីនាំយកកីឡាករសញ្ជាតិអេក្វាឌ័រខាងលើមករួមក្រុម ខណៈ ទីផ្សារដោះដូរកីឡាករខែមករានឹងបិទបញ្ចប់នៅថ្ងៃខានស្អែក៕
ប្រភព៖ Fabrizio Romano
ដៃគូរសហការ One Football
អានបន្ថែម