អ្នកណាគេ? Luke Shaw ថា ម្នាក់នេះជាវីរបុរស Man UTD ដែលរូបគេចង់លេងជាមួយបំផុត

January 13, 2022

អង់គ្លេស៖ ខ្សែការពារស្លាបឆ្វេង Luke Shaw បានចុចឈ្មោះ លោក David Beckham ជា អតីតកីឡាករ Manchester United ដែលខ្លួនចង់លេងជាមួយបំផុតនៅលើទីលាន។

ជាការពិតណាស់ Beckham ធ្លាប់ស៊ុតបញ្ចូលទីបាន៨៥គ្រាប់ និង បញ្ជូនបាល់ឲ្យមិត្តរួមក្រុមចំនួន១០៥ដង ក្នុងចំណោមការបង្ហាញខ្លួនសរុប៣៨៨ប្រកួត ឲ្យ Man Utd ហើយ អំឡុងពេលនោះ រូបគេជាកីឡាករដ៏ឆ្នើមម្នាក់ដែលធ្លាប់គ្រងអាវស្លាកលេខ៧របស់ក្លិប និង បានឈ្នះពានរង្វាន់ៗធំដូចជា Premier League ៦ដង និង Champions League ១ដង។

Shaw បាននិយាយថា៖

ខ្ញុំមិនអាចជ្រើសរើស Ronaldo បានឡើយពីព្រោះបច្ចុប្បន្ន ខ្ញុំកំពុងលេងជាមួយគាត់។ ខ្ញុំស្រលាញ់ Ashley Cole តាំងពីតូច ប៉ុន្តែ ប្រសិនបើខ្ញុំនិយាយថា ខ្ញុំចង់លេងជាមួយគាត់ ខ្ញុំនឹងអត់បានលេង។ ដូច្នេះ ខ្ញុំត្រូវតែជ្រើសយក Beckham ពីព្រោះគាត់ជាវីរបុរសរបស់ Man Utd និង ក្រុមជម្រើសជាតិអង់គ្លេស។ គាត់ជាគំរូដ៏ធំមួយសម្រាប់អ្នករាល់គ្នាដែលចូលរួមក្នុងវិស័យបាល់ទាត់៕
— កីឡាករ Luke Shaw

ប្រភព៖ sportskeeda

ដៃគូរសហការ One Football

អានបន្ថែម