អង់គ្លេស៖ យោងតាមសារព័ត៌មាន Defensa Central បានចុះផ្សាយថា Manchester City កំពុងចាប់អារម្មណ៍ចង់ទិញយកខ្សែការពារ Ferland Mendy ពីក្លិប Real Madrid ។
ថ្មីៗនេះលេចឮដំណឹងថា ភាគីលោក Carlo Ancelotti ចង់លក់ Mendy ចេញ ខណៈដែលគេបានជាប់ជម្រើស១១នាក់ដំបូងទៀងទាត់ក្នុងក្រុមសេុប១៧ប្រកួតនៅរដូវកាលនេះ។
Real Madrid បានទិញ Mendy ពីក្លិប Lyon កាលពីឆ្នាំ២០១៩ ក្នុងតម្លៃ ៥៥លានអឺរ៉ូ(ស្មើនឹងប្រមាណ ៥៨.៩ លានដុល្លារ) ដូច្នេះហើយក្លិបទំនងជាចង់លក់គេក្នុងតម្លៃប៉ុណ្ណេះវិញ។
គួរបញ្ជាក់ផងដែរថា Ferland Mendy នៅសល់កុងត្រាស្នាក់នៅទឹកដី Santiago Bernabeu រហូតដល់ខែមិថុនា ឆ្នាំ២០២៥ឯណោះ៕
ប្រភព៖ football-espana