Man City ត្រៀមទឹកប្រាក់២០លានទិញយក កីឡាករសញ្ជាតិអេស្ប៉ាញម្នាក់នេះ

អង់គ្លេស៖ ក្លិប Manchester City ចាប់អារម្មណ៍ចង់ទិញយកខ្សែការពារ Alex Grimaldo ពីក្លិប Benfica នៅរដូវក្ដៅនេះ បើយោងតាមការចុះផ្សាយរបស់ Marca ។

ភាគីលោក Pep Guardiola កំពុងត្រូវការខ្សែការពារបន្ទាប់ពីការចាកចេញរបស់ Oleksandr Zinchenko ទៅ Arsenal។  Man City ចង់បានខ្សែការពារ Marc Cucurella ពី Brughton ប៉ុន្តែការចរចាមិនបានជោគជ័យ ដោយសារតថ្លៃមិនត្រូវគ្នា ដូច្នេះទើបក្លិបងាកមកចង់បាន Alex Grimaldo វិញ។

Grimaldo គឺជាកីឡាករបណ្ដុះចេញពីថ្នាលយុវជនរបស់ Barcelona ប៉ុន្តែមិនបានមានឱកាសបង្ហាញខ្លួននៅឈុតធំឡើយដោយគេផ្ទេរមក Benfica កាលឆ្នាំ២០១៦។

Alex Grimaldo រកបាន៦គ្រាប់ និងបញ្ជូនបាល់៩គ្រាប់ ក្នុងការបង្ហាញខ្លួន៤៨ប្រកួតឲ្យ Benfica ខណៈដែលគេសល់កុងត្រាតែ១ឆ្នាំប៉ុណ្ណោះជាមួយក្លិប៕

ប្រភព៖​ sportskeeda