អត់លាក់បាំងទេ! Silva ថាខ្លួនចង់ផ្ទេរទៅលេងនៅក្លិបមួយនេះណាស់

January 4, 2023

អង់គ្លេស៖ ខ្សែបម្រើ Bernado Silva បានបង្ហើបបំណងចង់វិលត្រឡប់ទៅលេងនៅក្លិប Benfica នាពេលអនាគត។

នៅប៉ុន្មានរដូវកាលចុងក្រោយ មានសារព័ត៌មានជាច្រើនបានចុះផ្សាយជារឿយៗថា Silva ចង់ចាកចេញពីក្លិប Manchester City ខណៈដែលកាលពីរដូវក្ដៅឆ្នាំមុននោះ Barcelona បានបង្ហាញការចាប់អារម្មណ៍ចង់ចុះហត្ថលេខាយកគេណាស់ ប៉ុន្តែលោក Pep Guardiola បានចេញមុខមកបកស្រាយថា Man City នឹងមិនលក់ខ្សែបម្រើរូបនេះឡើយ។

ដោយឡែក ឥលូវនេះ Silva ស្រាប់តែនិយាយថាគេចង់ផ្លាស់ទៅលេងនៅ Benfica ៖

ខ្ញុំចង់ត្រឡប់ទៅ Benfica ដើម្បីជួយពួកគេប៉ុន្តែមិនមែនព្យួរស្បែកជើងនៅទីនោះទេ។ ក្ដីសុបិនរបស់ខ្ញុំគឺមិនមែនលេងនៅក្លិបល្អបំផុតក្នុងលោកទេគឺលេងឲ្យ Benfica ។ ខ្ញុំចាប់ផ្ដើមនៅទីនោះនាអាយុ៧ឆ្នាំ ហើយតែងតែលេងនៅទីនោះពី១២ទៅ១៧ឆ្នាំ ហើយការបានមកដល់កម្រិតនេះគឺធ្វើឲ្យខ្ញុំមានមោទកភាព ដោយសារឥលូវនេះ ខ្ញុំស្នាក់នៅក្លិបដ៏ល្អបំផុតមួយ។
— ខ្សែបម្រើ Bernado Silva

គួរបញ្ជាក់ផងដែរថា Bernado Silva លេងឲ្យឈុតយុវជនរបស់ Benfica ពីឆ្នាំ២០០២ ដល់ ២០១៣ មុននឹងផ្ទេរទៅ AS Monaco ៕

ប្រភព៖ football-espana

ដៃគូរសហការ One Football

អានបន្ថែម