កែប្រែម៉េចខ្លះ! គ្រូ Barca ថ្មី ថាលោកត្រូវតែធ្វើបែបនេះ ទើបគេអាចទទួលស្គាល់ថា Barca ខ្លាំងដូចដើម

November 2, 2021

បរទេស៖ គ្រូបង្វឹកបណ្តោះអាសន្នថ្មីរបស់ Barcelona លោក Sergi Barjuan ជឿជាក់ថា បើចង់ឲ្យគេទទួលស្គាល់ Barca ឡើងវិញ លោកមានតែជួយជម្រុញក្រុមឲ្យយកជ័យជម្នះបានឲ្យច្រើនៗ បន្ទាប់ពីក្លិបកំពុងតែធ្លាក់ជើងខ្លាំង។

ជាការពិតណាស់ បីប្រកួតចុងក្រោយរបស់ Barca នៅក្នុងក្របខណ្ឌ La Liga គឺមិនដែលស្គាល់់ពាក្យថាឈ្នះម្តងទេ ហើយនៅយប់នេះគេត្រូវមានប្រកួតសំខាន់ទៀតទល់នឹងក្រុម Dynamo Kiev នៅក្នុងការប្រកួតពាន Champions League។ ជាក់ស្តែង Barca ក៏បានចាញ់២ប្រកួតដំបូងនៅក្នុងពាន UCL នេះដែរ ដោយថ្មីជើងក្លិប Bayern Munich និង Benefica លត់ម្នាក់៣គ្រាប់តែម្តង។

លោក Barjuan បាននិយាយថា៖

ខ្ញុំពិតជាមានកិត្តិយសណាស់ពេលបានមកដឹកនាំ Barca ស្របពេលប្រកួតពាន UCL នេះ ខ្ញុំដឹងថាក្លិបយើងកំពុងតែរកាំរកូសខ្លាំងក៏ប៉ុន្តែខ្ញុំរំពឹងថា ពួកយើងនឹងមានឆន្ទៈក្នុងការយកជ័យជម្នះជូនក្រុមយើងវិញឲ្យទាល់តែបាន។ ខ្ញុំនឹងព្យាយាមកែប្រែទម្រង់លេងក្នុងក្រុមឡើងវិញ ខ្ញុំនឹងព្យាយាមឲ្យពួកគេលេងលក្ខណៈជាក្រុម លេងរបៀបលក្ខណៈគ្រប់គ្រងបាល់បានច្រើននៅលើទីលាន ហើយធ្វើយ៉ាងណាបង្កើតឱកាសបញ្ចប់ទីឲ្យបានច្រើន។ ខ្ញុំដឹងថា ខ្ញុំមិនមានពេលច្រើនទេ តែខ្ញុំខំព្យាយាមហើយ៕
— Sergi Barjuan

ប្រភព៖ Marca

ដៃគូរសហការ One Football

អានបន្ថែម