ក្រោយ Real Madrid ធ្លាក់ពី Champion League ប្រធានក្រុម Ramos អាចនឹងត្រូវចាកចេញពីក្លិប

បរទេស៖ កាលពីប្រកួតយប់មិញនេះក្នុងព្រឹត្តិការណ៍ UEFA Champion League វគ្គពាក់កណ្តាលផ្តាច់ព្រ័ត្រ ក្រុមមកពីអង់គ្លេស Chelsea បានបំបាក់ក្រុមស្តេចស Real Madrid ក្នុងលទ្ធផលទាំង២ជើង ៣-១ ដែលបានធ្វើឲ្យក្រុមដែលមានមូលដ្ឋាននៅ London មួយនេះបានឡើងទៅវគ្គផ្តាច់ព្រ័ត្រ Champion League សារជាថ្មីបន្ទាប់ពីខកខានតាំងពីឆ្នាំ២០១២ មកម្ល៉េះ។

កាលពីរដូវកាលមុន Real Madrid បានធ្លាក់ចេញពី Champion League នៅត្រឹមវគ្គ១៦ក្រុមក្រោមថ្វៃជើងក្រុមមកពីអង់គ្លេសដូចគ្នា​នោះគឺ Manchester City ដែលនេះជាកំណត់ត្រា២ឆ្នាំជាប់គ្នាហើយរបស់ Real Madrid ដែលធ្លាក់ចេញពី Champion League ក្រោមថ្វៃជើងក្រុមមកពីអង់គ្លេស។

និយាយពីប្រធានក្រុមរបស់ Real Madrid កីឡាករ Sergio Ramos វិញមានសំណួរជាច្រើនបានចោទសួរថា តើគាត់នឹងបន្តរពាក់អាវ Real Madrid ទៀតរឺយ៉ាងណានូវរដូវកាលក្រោម ខណៈដែលកុងត្រាជាមួយ Real Madrid កៀកនឹងអស់សុពលភាពទៅហើយនោះ។ 

ក្នុងការប្រកួតកាលពីយប់មិញនេះខ្សែការពារកាច Ramos ហាក់មិនបានបញ្ចេញសមត្ថភាពការពារសំណាញ់ទីបានល្អនោះឡើយពោលគឺត្រូវបានក្រុម Chelsea រំលោភដល់ទៅ២គ្រាប់ ដែលឈានដល់ការធ្លាក់ចេញពី Champion League ។

យ៉ាងណាមិញទាក់ទងនឹងអនាគតរបស់ខ្សែការពារចាស់វស្សារូបនេះជាមួយ Real Madrid នៅមិនទាន់ដឹងយ៉ាងណាឡើយ ខណៈដែលកីឡាករផ្ទាល់ធ្លាប់បានឲ្យដឹងថាខ្លួនចង់បន្តរលេងឲ្យ Real Madrid រហូតដល់ចូលនិវត្តន៍៕