<p><b>បរទេស៖</b> ខ្ញីចាស់សញ្ជាតិអាហ្សង់ទីន កីឡាករ<b> CarlosTevez </b>បានប្រកាសជាផ្លូវការអំពីការចូលនិវត្តន៍របស់ខ្លួន ពីវិស័យកីឡាបាល់ទាត់។</p><figure style="text-align:center"><img src="https://cms.dmpcdn.com/article/2022/06/04/323b7cd0-e3c3-11ec-97e1-3187575f9614_original.png" alt="" style="width:100%"/></figure><p>ទាក់ទងនឹងរឿងនេះ Tevez បានថ្លែងថា៖</p><blockquote><aside>ពួកគេបានផ្ដល់សំណើច្រើន​មកកាន់ខ្ញុំ។ ប៉ុន្តែការផ្លាស់ប្ដូរ គឺសំខាន់ជាងសម្រាប់គ្រួសារខ្ញុំ។ ខ្ញុំរីករាយ ជាមួយជីវិត និងគ្រួសារខ្ញុំ។ ខ្ញុំបានចំណាយពេលច្រើនលេងបាល់ ហើយក៏ខ្ជះខ្ជាយពេលវេលាច្រើនដែរ។ ខ្ញុំចូលនិវត្តន៍ហើយ។ ខ្ញុំឈប់លេងបាល់ ក៏ព្រោះតែខ្ញុំបាត់បង់អ្នកគាំទ្រលេខ១របស់ខ្ញុំ។ គឺប៉ារបស់ខ្ញុំ។</aside></blockquote><p>គួររម្លឹកដែរថា Tevez បានចំណាយពេលមិនក្រោម២០ឆ្នាំនោះទេ នៅលើទីលានបាល់ទាត់ ដោយពេលវេលាដែលគេមានឈ្មោះបោះសម្លេងបំផុតគឺក្នុងជំនាន់គេបង្ហាញខ្លួនក្នុងក្របខណ្ឌ Premier League ពោលបន្ទាប់ពីចាកចេញពីស្រុកកំណើតនៅប្រទេសប្រេស៊ីល គេបានផ្ទេរមកកាន់ក្រុមWestHam នៅឆ្នាំ២០០៦ ដោយលេងបាន១ឆ្នាំ ខ្សែប្រយុទ្ធមិនសូវបានកម្ពស់រូបនេះក៏ត្រូវបានក្លិបញញួរយក្ស ដាក់ឲ្យក្លិបបិសាចក្រហម Manchester United ខ្ចីជើងរយៈពេល២ឆ្នាំ ឈ្នះ Premier League ២ដង និង Champions League ម្ដង មុនផ្ទេរទៅក្លិបមេឃខៀវ ManchesterCity នៅឆ្នាំ២០០៩។</p><figure style="text-align:center"><img src="https://cms.dmpcdn.com/article/2022/06/04/32ea3360-e3c3-11ec-97e1-3187575f9614_original.png" alt="" style="width:100%"/></figure><p>ជាមួយគ្នានេះ នៅឆ្នាំ២០១៣ ក្រោយឈ្នះ Premierleague បានមួយលើកទៀត Tevez បានចាកចេញពី City ផ្ទេរទៅកាន់ក្លិបយក្សអ៊ីតាលី Juventus ដោយចំណាយពេល២រដូវកាល លើកពានលីគកំពូលទាំង២លើក។ បន្ទាប់មក រូបគេក៏វិលត្រឡប់ទៅកាន់ក្លិបដែលលេងតាំងពីក្មេងBocaJunior ដោយលេងបាន២រដូវកាល ក៏បន្តទៅកើបលុយនៅលីគកំពូលចិនចូលរួមជាមួយក្រុម Shanghai-Shenhua បានមួយឆ្នាំចន្លោះឆ្នាំ២០១៧-១៨ រួចក៏ត្រឡប់ទៅកាន់ BocaJuniors វិញសាជាថ្មីម្ដងទៀត លេងដល់បច្ចុប្បន្ន ក៏សម្រេចព្យួរស្បែកជើងតែម្ដងក្នុងវ័យ៣៨ឆ្នាំ៕</p><figure style="text-align:center"><img src="https://cms.dmpcdn.com/article/2022/06/04/34b5f2b0-e3c3-11ec-b491-d15c4dbde6a9_original.png" alt="" style="width:100%"/></figure><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

ផ្លូវការ! ខ្ញីចាស់សញ្ជាតិអាហ្សង់ទីនរូបនេះ បានប្រកាសចូលនិវត្តន៍ពីបាល់ទាត់ហើយ