មានតែពាក្យសរសើរ! Casemiro ថាអនាគតម្នាក់នេះនឹងក្លាយជាកីឡាករល្អផ្ដាច់គេក្នុងលោក

January 2, 2023

អង់គ្លេស៖ ខ្សែបម្រើ Casemiro បានកោតសរសើរមិត្តរួមក្រុម Marcus Rashford ថាអនាគតទៅ រូបគេអាចក្លាយជាកីឡាករល្អផ្ដាច់គេម្នាក់ក្នុងលោក។

កាលពីយប់ថ្ងៃទី៣១ខែធ្នូឆ្នាំ២០២២ កន្លងទៅនេះ Manchester United បានយកឈ្នះ Wolves ១ ទល់នឹង០ ក្នុងការប្រកួត Premier League ដែល១គ្រាប់នោះរកបានដោយ Rashford នៅនាទីទី៧៦ បន្ទាប់ពីត្រូវប្ដូរចូល។

១គ្រាប់នេះមានន័យថា Rashford រកបាន១១គ្រាប់និងបញ្ជូនបាល់៤គ្រាប់ហើយក្នុងការបង្ហាញខ្លួន២២ប្រកួតនៅរដូវកាលនេះ។

Casemiro បានសរសើរ Rashford ថា៖

ខ្ញុំនឹងនិយាយដោយស្មោះត្រង់ជាមួយអ្នក។ ខ្ញុំពិតជាភ្ញាក់ផ្អើលនឹង Rashford ណាស់។ នៅក្នុងគំនិតខ្ញុំ ជាពិសេសគឺបានស្គាល់គេនៅក្រៅទីលាន គឺបើសិនគេបន្តធ្វើបានល្អទៀត នោះគេអាចនឹងក្លាយជាកីឡាករម្នាក់ក្នុងចំណោមកីឡាករល្អផ្ដាច់គេក្នុងលោកបាន។
— ខ្សែបម្រើ Casemiro

ប្រភព៖ sportskeeda

ដៃគូរសហការ One Football

អានបន្ថែម