<p><b>អឺរ៉ុប</b>៖ យោងតាមការសែត LaRepubblica បានឲ្យដឹងថា ខ្សែប្រយុទ្ធ Cristiano Ronaldo ធ្លាប់ប្រឆាំងនឹងការចង់នាំយកលោក Antonio Conte ទៅដឹកនាំក្លិបសេះបង្គង់Juventus បន្ទាប់ពីការចាកចេញរបស់លោក MassimilianoAllegri ក្នុងឆ្នាំ២០១៩។</p><figure style="text-align:center"><img src="https://cms.dmpcdn.com/article/2021/08/20/b3ca94d0-018c-11ec-9d44-6dd46f8e743c_original.jpg" alt="Ronaldo" style="width:100%"/><figcaption>Ronaldo</figcaption></figure><p>របាយការណ៍បានឲ្យដឹងថា ក្លិបសេះបង្គង់បានភា្ជប់ទំនាក់ទំនងជាមួយលោក​ Conte ឲ្យទៅដឹកនាំក្លិបស្នងតំណែងពីលោក Allegriវិញ មុនពេលគ្រូបង្វឹកសញ្ជាតិអ៊ីតាលីរូបនេះ សម្រេចចូលរួមជាមួយក្លិបInter Milan ក្នុងឆ្នាំ២០១៩។ ហើយទីបំផុត ក្លិបមានមូលដ្ឋាននៅទីក្រុង Turinនេះ ក៏បានសម្រេច ជ្រើសយកលោក Maurizio Sarri តែម្ដងមុនពេលតំឡើងលោក Andrea Pirlo។</p><p>ហើយមូលហេតុដែល Ronaldoមិនចង់ឃើញលោក Conte ឡើងជាគ្រូបង្វឹករបស់ Juventus កាលនោះ គឺដោយសាររូបគេមិនជឿជាក់លើទម្រង់លេងបែបការពារ របស់អតីតគ្រូបង្វឹកក្រុមតោខៀវរូបនេះទេ។</p><figure style="text-align:center"><img src="https://s9.kh1.co/94/9422b711a73804e45682f01c23d249b14362fe2d.jpg" alt="លោក conte" style="width:100%"/><figcaption>លោក conte</figcaption></figure><p>គួរឲ្យដឹងដែរថា លោក Conteវ័យ៥២ឆ្នាំ ត្រូវគេនិយាយចចាមអារ៉ាមថាជាគោលដៅទី១ ក្នុងការឡើងជំនួសតំណែងលោកSolskjaer នៅ​ Manchester United ហើយគ្រូបង្វឹកដែលធ្លាប់ឈ្នះពានSerie A ចំនួន៤លើក កំលុងពេលដឹកនាំក្លិប Juventus និង Inter Milan រូបនេះ ចង់ទាមទារថ្លៃឈ្នួលចំនួន១០លានផោន (១៣លានដុល្លារ) ក្នុងមួយឆ្នាំក្នុងការបន្ដតំណែងពីលោក Solskjaer &nbsp;៕</p><p><b>ប្រភព៖​</b> <a href="https://www.sportsmole.co.uk/football/man-utd/news/ronaldo-did-not-want-conte-as-manager-at-juventus_468377.html">sportsmole</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

អត់ពេញចិត្ដទេ! តារាជួរមុខរូបនេះ ធ្លាប់មិនចង់ឲ្យលោក Conte ឡើងជាគ្រូបង្វឹក កាលគេលេងនៅក្លិបចាស់