ម្នាយអើយ! Asensio ព្រលះមួយជើងពីលើដំបូលទូកលឿនដូចកាំជ្រួច ខណៈ R.Madrid លត់ Valencia ២-០(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃ សុក្រ ទី ០៣ ខែ មករា ឆ្នាំ ២០២៣ ក្រុមម្ចាស់ផ្ទះ Real Madrid បានបើកទ្វាកីឡដ្ឋាន Santiago Bernabeu របស់ខ្លួន ទទួលស្វាគមន៍ក្រុមភ្ញៀវ Valencia នៅក្នុងការប្រកួតសប្តាហ៍ទី ១៩ នៃក្របខណ្ឌ LaLiga។

ជាការពិតណាស់ ក្រុមម្ចាស់ផ្ទះអធិរាជស Real Madrid ពិតជាធ្វើបានល្អមែនទែន ដោយបញ្ចប់ការប្រកួត ៩០នាទីពេញពួកគេទទួលជ័យជម្នះទៅលើក្រុមភ្ញៀវ Valencia ក្នុងលទ្ធផល ២ ទល់នឹង ០ ដែលក្នុងនោះស៊ុតបញ្ចូលទីដោយ Marco Asensio ១ គ្រាប់ និង Vinicius Jr. ១ គ្រាប់។

គួរបញ្ជាក់ថា Real Madrid បច្ចុប្បន្នកំពុងឈរនៅតំណែងលេខ ២ នៃក្របខណ្ឌ La Liga ក្រោយឆ្លងកាត់ ១៩ ប្រកួត ឈ្នះ ១៤ ស្មើ ៣ និង ចាញ់ ២ មាន ៤៥ ពិន្ទុ, ចំណែក Valencia វិញកំពុងឈរនៅលេខរៀងទី ១៤ ក្រោយឆ្លងកាត់ ១៩ ប្រកួត ពួកគេឈ្នះ ៥ ស្មើ ៥ និង ចាញ់ ៩ មាន ២០ ពិន្ទុ។

សូមទស្សនាវីដេអូខាងក្រោម៖