ចឹងផង? Klopp ថាលោកមិនចូលចិត្តទម្រង់លេងរបស់ក្រុមពីរនេះទេ

May 11, 2022

អង់គ្លេស៖ គ្រូបង្វឹករបស់ក្រុម Liverpool គឺលោក Jurgen Klopp បានរិះគន់ទម្រង់លេងរបស់ក្លិប Tottenham Hotspur និង Atletico Madrid ដោយលោកគិតថាក្រុមទាំងពីរនេះគួរតែប្រើទម្រង់ប្រយុទ្ធច្រើនជាងលេងការពារ។

Liverpool ទើបតែលេងស្មើ Tottenham Hotspur ១ ទល់នឹង១ កាលពីយប់ថ្ងៃទី៨ខែឧសភា កន្លងទៅដោយ Heung-Min Son របស់ Spurs រកបាន១គ្រាប់បើកឆាក ប៉ុន្តែ Luis Diaz រកបាន១គ្រាប់ឲ្យ Liverpool តាមស្មើវិញនៅនាទីទី៧៤។

Liverpool ក៏ធ្លាប់ប្រកួតជាមួយ Atletico Madrid នៅការប្រកួត Champions League វគ្គចែកពូលកាលពីឆ្នាំ២០២១ផងដែរ។

ការប្រកួតរវាង Atletico Madrid និង Liverpool

បន្ទាប់ពីចប់ការប្រកួត លោក Klopp បានរិះគន់ទាំង Spurs និង Atletico Madrid ថា៖

ខ្ញុំមិនចូលចិត្តការលេងបាល់ប្រភេទនេះ(របស់ក្រុម Spurs) ទេ។ ប៉ុន្តែនោះជាបញ្ហាផ្ទាល់ខ្លួនរបស់ខ្ញុំ។ ខ្ញុំគិតថាពួកគេជាក្រុមបាល់ទាត់លំដាប់ពិភពលោកហើយពួកគេគួរតែធ្វើឲ្យបានច្រើនជាងនេះ។ វាជាការប្រកួតទល់នឹង Liverpool ហើយពួកគេគ្រប់គ្រងបាល់បាន៣៦ភាគរយ។ ប៉ុន្តែនោះជាបញ្ហារបស់ខ្ញុំ។ ខ្ញុំមិនអាចទៅបង្វឹកពួកគេទេ។ សុទ្ធតែកីឡាករលំដាប់ពិភពលោកតែពួកគេបែរជាលេងទប់បាល់គឺវាពិតជាលំបាកណាស់។ Atletico Madrid ក៏បានធ្វើបែបនេះដែរ។ គឺវាមិនអីទេ គ្រាន់តែខ្ញុំមិនសូវចូលចិត្ត។ ប៉ុន្តែខ្ញុំមានការគោរពចំពោះគ្រប់យ៉ាងដែលពួកគេធ្វើ។
— លោក Jurgen Klopp

ប្រភព៖ marca

ដៃគូរសហការ One Football

អានបន្ថែម