អីយ៉ាស់! កីឡាករ Ajax រូបនេះនិយាយច្បាស់ៗថាគេចង់ឲ្យ Ten Hag យកគេទៅ Man UTD ដែរ

April 25, 2022

ហូឡង់៖ ខ្សែប្រយុទ្ធ Brian Brobbey ដែល Ajax បានខ្ចីជើងពី RB Leipzig បាននិយាយច្បាស់ៗថាគេចង់ឲ្យលោក Erik Ten Hag ចុះកុងត្រាទិញយកគេទៅចូលរួមជាមួយក្លិបបិសាចក្រហម Manchester United ដែរ។

ខ្សែប្រយុទ្ធ Brian Brobbey និងលោក Erik Ten Hag

Ten Hag នឹងដឹកនាំ Ajax រហូតដល់ដំណាច់រដូវកាលនេះហើយនៅរដូវកាលក្រោយ លោកនឹងផ្លាស់មកដឹកនាំ Manchester United ដោយបានចុះកុងត្រា៣ឆ្នាំទៀតផង។

ក្រោយព័ត៌មាននេះបានបញ្ជាក់ជាផ្លូវការមក កីឡាកររបស់ Ajax គឺ Brobbey បានជូនពរលោក Ten Hag ថែមទាំងនិយាយលេងសើចថា៖

ខ្ញុំពិតជាសប្បាយចិត្តសម្រាប់គាត់ ហើយគាត់ពិតជាស័ក្តិសមនឹងការងារនេះណាស់ បន្ទាប់ពីអ្វីដែលគាត់បានធ្វើនៅ Ajax ។ ខ្ញុំសង្ឃឹមថាគាត់នឹងយកខ្ញុំទៅទីនោះក្នុងរយៈពេលពីរឆ្នាំ!អត់ទេ អត់ទេ ខ្ញុំនិយាយលេងទេ!និយាយលេងទេ!
— ខ្សែប្រយុទ្ធ Brian Brobbey

ប្រភព៖ metro

ដៃគូរសហការ One Football

អានបន្ថែម