លែងខ្លាំងដូចមុន! Neville ដាក់ចំៗថាក្លិបនៅ PL មួយនេះមិនស្ថិតក្នុងចំណោមក្លិបគីឡូធ្ងន់ទាំង៦ឡើយ

អង់គ្លេស៖ លោក Gary Neville បាននិយាយថាក្លិបកាំភ្លើងធំ Arsenal មិនមែនជាក្លិបដែលស្ថិតក្នុងចំណោមក្លិបខ្លាំងទាំង៦នៅ Premier League នោះឡើយនិងបានបង្ហើបថាការមើល Arsenal លេងចាញ់ម្ដងហើយម្ដងទៀតពិតជាធ្វើឲ្យលោកអស់កម្លាំងណាស់។

Arsenal ធ្លាប់ឈ្នះពាន Premier League ៣ដងក្នុងរយៈពេល៧ឆ្នាំចុងក្រោយនេះប៉ុន្តែនៅប៉ុន្មានរដូវកាលកន្លងមកនេះ ភាគីរបស់លោកគ្រូ Mikel Arteta ហាក់បីដូចជាដុនដាបខ្លាំងទៅៗហើយដោយស្រវាបានត្រឹមតំណែងលេខ៨នៅតារាង Premier League ក្នុងរយៈពេល២រដូវកាលចុងក្រោយនេះ។

យ៉ាងណាមិញ ទោះលេងឈ្នះ Norwich City កាលពីថ្ងៃសៅររ៍ទៅ១១កន្លងទៅក៏ដោយក៏ Arsenal នៅតែធ្វើមិនសូវបានល្អក្នុង៣ប្រកួតបើកឆាក Premier League ដោយចាញ់ Brentford,Chelsea និង Manchester City ខណៈ Arteta នៅតែប្រឈមនឹងការបញ្ចប់តំណែង។

Arsenal ធ្លាប់ជាក្លិបដែលអ្នកគាំទ្រចាត់ទុកជាក្លិបមួយក្នុងចំណោមក្លិបទាំង៦ដែលខ្លាំងជាងគេនៅចក្រភពអង់គ្លេសប៉ុន្តែលោក Neville គិតថាក្លិបនេះលែងដូចមុនហើយ។ លោកបានថ្លែងថា៖

— លោក Gary Neville 

ប្រភព៖​ metro