Messi បញ្ជូន ២គ្រាប់ជួយ FC Barcelona យក ៣ពិន្ទុពី Osasuna បន្តក្តីសង្ឃឹមក្នុងការលើកពាន La Liga (មានវីដេអូ)
អេស្ប៉ាញ៖ ការប្រកួតក្នុងក្របខណ្ឌលីគកំពូលអេស្ប៉ាញកាលពីយប់មិញ ក្រុមម្ចាស់ផ្ទះ Osasuna បានទទួលនូវលទ្ធផលបរាជ័យក្រោមស្នាដៃក្រុមភ្ញៀវ FC Barcelona ក្រោមលទ្ធផល Osasuna 0-2 FC Barcelona។
ក្នុងការប្រកួតតង់ទី១ នាទី30' កីឡាករ Lionel Messi បានលើកបាល់មួយជើងយ៉ាងស្អាត បញ្ជូនអោយកីឡាករ Jordi Alba ស៊ុតបញ្ចូលទីក្រុមម្ចាស់ផ្ទះ Osasuna បានសម្រេច ធ្វើអោយលទ្ធផលបណ្តោះអាសន្នក្នុងតង់ទី១ Osasuna 0-1 FC Barcelona។
ឈានចូលមកដល់តង់ទី២ ការប្រកួតអូសបន្លាយរហូតដល់នាទី83' ទើបកីឡាករ Lionel Messi បញ្ជូនបាល់មួយគ្រាប់ទៀតអោយកីឡាករវ័យក្មេង Ilaix Moriba ស៊ុតបញ្ចូលទីបានសម្រេច នាំមុខក្រុមម្ចាស់ផ្ទះ Osasuna លទ្ធផល Osasuna 0-2 FC Barcelona។ គួរបញ្ជាក់ផងដែរថា គ្រាប់បាល់នេះជាគ្រាប់បាល់ដំបូងសម្រាប់កីឡាករវ័យក្មេង Ilaix Moriba ក្នុងការស៊ុតបញ្ចូលទីអោយក្រុម FC Barcelona។
លទ្ធផលបញ្ចប់ការប្រកួតពេញតង់ Osasuna 0-2 FC Barcelona ដែលលទ្ធផលនេះធ្វើអោយក្រុម FC Barcelona បន្តក្តីសង្ឃឹមក្នុងការដណ្តើមពានលីគកំពូលអេស្ប៉ាញ ដោយខណ:នេះ ក្រុម FC Barcelona ស្ថិតនៅលេខរៀងទី២ នៃកំពូលតារាង។
តារាងពិន្ទុលីគកំពូលអេស្ប៉ាញ៖
សូមទស្សនាវីដេអូហាយឡាយនៃការប្រកួត៖