ទំនងណាស់! លឺថា Barca យល់ព្រមឲ្យ Depay ទៅ Inter Milan ដើម្បីប្តូរយកម្នាក់នេះវិញ

អឺរ៉ុប៖ ក្លិប Barcelona និង Inter Milan ត្រូវបានគេរាយការណ៍ថា បានឯកភាពគ្នាក្នុងការដោះដូរកីឡាកររវាង Memphis Depay និង Joaquin Correa ហើយ។

ជាការពិតណាស់ នៅក្នុងរដូវកាលនេះ គឺ Depay ហាក់ពិបាកស្វែងរកនាទីលេងមែនទែននៅលើទីលាន ដោយ រូបគេបានលេងសរុបត្រឹមតែ ១១៦នាទី ប៉ុណ្ណោះ ហើយ រូបគេក៏កំពុងតែមានពាក្យចចាមអារ៉ាមក្នុងការចាកចេញពីក្លិបផងដែរនាទីផ្សារដោះដូរកីឡាករខែមករានេះ។

បើយោងទៅតាមការចុះផ្សាយរបស់អ្នកកាសែតដ៏ល្បីល្បាញ គឺ លោក Gerard Romero បានលើកឡើងថា​ Barcelona បានឈានដល់កិច្ចព្រមព្រៀងជាមួយ Inter Milan ក្នុងការដោះដូរ Depay ជាមួយនឹង Correa ហើយ ប៉ុន្តែ ការដោះដូរនេះអាចកើតឡើងបានលុះត្រាតែកីឡាករសញ្ជាតិហូល្លង់ខាងលើយល់ព្រមផ្លាស់មកកាន់ទឹកដីអ៊ីតាលីដែរ៕

ប្រភព៖​ sportskeeda