បានអត់មើលទៅ? ខ្សែប្រយុទ្ធឆ្នើមរបស់ Liverpool រូបនេះជឿជាក់ថាគេនឹងរកឲ្យបាន៣០គ្រាប់នៅរដូវកាលនេះ

September 3, 2021

អង់គ្លេស៖ ខ្សែប្រយុទ្ធ Sadio Mane បាននិយាយថារូបគេនឹងដាក់គោលដៅរកឲ្យបាន៣០គ្រាប់នៅរដូវកាលថ្មីនេះ បន្ទាប់ពីគេមានអារម្មណ៍ខកចិត្តដែលរកបានតែ១៦គ្រាប់កាលពីរដូវកាលមុន។

ចំនួន១៦គ្រាប់នេះគឺជាស្ថិតិនៃការរកគ្រាប់បាល់ដ៏ទាបបំផុតរបស់គេតាំងពីឆ្នាំ២០១៧ទើបកីឡាករសញ្ជាតិសេនេកាល់រូបនេះចង់ឲ្យខ្លួនឯងលេងល្អដូចមុន។

ថ្លែងប្រាប់គេហទំព័រផ្លូវការរបស់ Liverpool ខ្សែប្រយុទ្ធវ័យ២៩រូបនេះបាននិយាយថា៖

ខ្ញុំចង់រកឲ្យបានច្រើនគ្រាប់ និងជួយមិត្តរួមក្រុម គឺ៣០គ្រាប់។ ហេតុអីក៏ខ្ញុំដាក់គោលដៅច្រើនបែបនេះ?គឺស៊ុតកាន់តែច្រើនកាន់តែល្អ ហើយខ្ញុំចង់ជួយឲ្យក្រុមឈ្នះពាន។ អ្នកគ្រប់គ្នាពិតជាស្រេកឃ្លានចង់ឈ្នះពានណាស់។ខ្ញុំពិតជាខកចិត្តណាស់កាលពីរដូវកាលមុន អ៊ីចឹងហើយរដូវកាលនេះខ្ញុំនឹងធ្វើឲ្យល្អជាងមុន។ ជាធម្មតាគឺខ្ញុំអាចរកបានពីចន្លោះ១៨គ្រាប់ទៅ ២២គ្រាប់ក្នុងមួយរដូវកាល ដូច្នេះទើបខ្ញុំខកចិត្ត។
— ខ្សែប្រយុទ្ធ Sadio Mane

ប្រភព៖ goal

អានបន្ថែម