កីឡាករអេស្ប៉ាញ ទើបចាក់វ៉ាក់សាំងកូវីដ១៩ ខណៈ EURO ចាប់ផ្តើមប្រកួតទៅហើយ
June 12, 2021
អេស្ប៉ាញៈ យោងតាមសេចក្តីប្រកាសរបស់សហព័ន្ធកីឡាបាល់ទាត់អេស្ប៉ាញ បានបង្ហាញឲ្យដឹងថា ក្រុមមន្ត្រីដឹកនាំការប្រកួត ក្រុមគ្រូបង្វឹក និងក្រុមកីឡាករ បានទទួលការចាក់វ៉ាក់សាំងការពារពីជំងឺកូវីដ-១៩ ដូសទី១ គ្រប់គ្នា។
រំលឹកផងថាកាលពីសប្តាហ៍មុននេះបានបែកធ្លាយអំពីកីឡាករ និងក្រុមគ្រូបង្វឹកមួយចំនួននៅក្នុងជំរុំហ្វឹកហាត់របស់ក្រុមជម្រើសជាតិអេស្ប៉ាញបានឆ្លងជំងឺកូវីដ-១៩ ប៉ុន្តែក៏ត្រូវបាននាំគ្នាធ្វើចត្តាឡីស័ក ខណៈគ្រូបង្គោលជម្រើសជាតិក៏បានកោះហៅកីឡាករបម្រុង ៦ នាក់ផ្សេងទៀតមកហ្វឹកហាត់ត្រៀមផងដែរ។
អេស្ប៉ាញ ស្ថិតនៅក្នុងពូល E ដោយរួមជាមួយគូប្រជែងដូចជា ប៉ូឡូញ ស៊ុយអែត និងស្លូវ៉ាគី។ យ៉ាងណាក្តី! ដំណើរការព្រឹត្តិការណ៍ UEFA Euro 2020 បានចាប់ផ្តើមមួយប្រកួតយប់មិញដោយ ទួរគី ចាញ់ អុីតាលី ក្នុងលទ្ធផល 0-3 ៕
អានបន្ថែម