កុំតែបានគេទេ! លោក Rangnick សរសើរ De Gea មិនដាច់ពីមាត់ ក្នុងជំនួបទម្លាក់ Aston ពី FA Cup យប់មិញ (មានវីដេអូ)

January 11, 2022

អង់គ្លេស៖ លោក Ralf Rangnick បានកោតសរសើរថាអ្នកចាំទី David De Gea ពិតជាលេងបានល្អខ្លាំងណាស់បន្ទាប់ពីក្រុម Manchester United បានយកឈ្នះ Aston Villa ១ ទល់នឹង០ ក្នុងការប្រកួតជុំទី៣ ពាន FA Cup ។

Scott Mctominay ជាអ្នកតែតបញ្ចូលទីនៅនាទីទី៨ជួយឲ្យ Man UTD បានឡើងទៅជុំទី៤ ក៏ពិតមែនប៉ុន្តែលោក Rangnick គិតថា De Gea បានដើរតួនាទីយ៉ាងសំខាន់ក្នុងការប្រកួតនេះខណៈដែលគេបានសង្គ្រោះបាល់បានយ៉ាងល្អពេលកីឡាករ Matty Cash ស៊ុតបញ្ចូលទីនៅតង់ទី២។

លោក Rangnick បានថ្លែងថា៖

ពួកយើងត្រូវតែពង្រឹងក្រុមនេះឲ្យក្លាយជាក្រុមដែលពូកែបិទសំណាញ់ទី ហើយនេះជាការប្រកួតមួយទៀតដែលពួកយើងអាចធ្វើវាបាន ប៉ុន្តែ David De Gea ពិតជាលេងបានល្អខ្លាំងណាស់សម្រាប់ខ្ញុំនាថ្ងៃនេះ។ ខ្ញុំមិនសូវចង់ឲ្យ De Gea សង្គ្រោះបាល់ច្រើនប៉ុន្មានទេតែថ្ងៃនេះគឺពួកគេស៊ុតដូចជា៤ទៅ៥ជើងចំគោលដៅ ប៉ុន្តែពួកយើងនៅអាចពង្រឹងនៅតំបន់នេះបាន។
— លោក Ralf Rangnick

បើចង់ឃើញ De Gea សង្គ្រោះបាល់បានល្អ យ៉ាងណានោះ សូមទស្សនាវីដេអូខាងក្រោម៖

ប្រភព៖ metro

ដៃគូរសហការ One Football

អានបន្ថែម