Fabrizio Romano ថាជើងខ្លាំង Man UTD រូបនេះសឹងតែប្រាកដថាចាកចេញពីក្លិបក្រោយចប់ World Cup

November 16, 2022

អង់គ្លេស៖ អ្នកកាសែត Fabrizio Romano បានចុះផ្សាយថា ខ្សែប្រយុទ្ធ Cristiano Ronaldo សឹងតែប្រាកដមួយរយភាគរយថានឹងចាកចេញពីក្លិបបិសាចក្រហម Manchester United ក្រោយពីព្រឹត្តិការណ៍បាល់ទាត់ពិភពលោកចប់សព្វគ្រប់។

Ronaldo បានផ្ដល់កិច្ចសម្ភាសន៍រិះគន់ថ្នាក់ដឹកនាំក្លិប Manchester United ចំៗថាបានក្បត់គេ ហើយគេមិនគោរពលោក Erik Ten Hag ជាគ្រូបង្វឹកឡើយដែលធ្វើឲ្យមានបញ្ហាចម្រូងចម្រាសកើតឡើង។ក្លិប Man UTD ឯណោះវិញកំពុងស្ថិតក្នុងស្ថានភាពតក់ស្លុតព្រោះមិននឹកស្មានថា ប្រធានក្រុមជម្រើសជាតិព័រទុយកាល់រូបនេះ បាននិយាយរិះគន់ដល់ម្លឹង។

Fabrizio Romano បានបង្ហើបពីអនាគតរវាង Ronaldo និង Man UTD ថា៖

United តក់ស្លុតណាស់។ពួកគេដឹងថា Ronaldo នឹងផ្ដល់បទសម្ភាសន៍ដើម្បីបកស្រាយពីស្ថានភាពរបស់គេ ប៉ុន្តែពួកគេមិនរំពឹងទុកថាគេនិយាយបែបនេះទេ។ ពួកគេមិនគិតថា Ronaldo ចេញមុខមកនិយាយអ្វីធំដុំបែបនេះនៅពាក់កណ្ដាលរដូវកាល។ពួកគេជ្រើសរើសមិនទាន់ឆ្លើយតបដោយសារចង់រក្សាបរិយាកាសឲ្យល្អ បន្ទាប់ពីជ័យជំនះទល់នឹង Fulham ប៉ុន្តែពិតណាស់ ពួកគេដឹងថានេះជាបញ្ហាធំមួយនៅក្លិប។ ខ្ញុំអាចបង្ហើបថាបានទំនាក់ទំនងផ្ទៃក្នុងរបស់ក្លិបនិង Cristiano Ronaldo សឹងតែបញ្ចប់ទៅហើយ។ ពួកគេដឹងថាបន្ទាប់ពីនេះគឺវាពិតជាពិបាកក្នុងការស្វែងរកផ្លូវរួមគ្នាវិញ។ Ronaldo ផ្ដោតសមាធិលើការប្រកួតនៅជម្រើសជាតិព័រទុយកាល់នៅបាល់ទាត់ពិភពលោក ហើយបន្ទាប់ពីនោះគេនឹងព្យាយាមស្វែងរកដំណោះស្រាយដើម្បីចាកចេញពីក្លិប។
— អ្នកកាសែត Fabrizio Romano

អ្នកកាសែត Fabrizio Romano — អ្នកកាសែត Fabrizio Romano

ប្រភព៖ sportskeeda

ដៃគូរសហការ One Football

អានបន្ថែម