<p><b>អេស្ប៉ាញ៖</b> ទីបំផុតខ្សែប្រយុទ្ធ <b>Ousmane Dembele</b> បានយល់ព្រមលើកិច្ចសន្យាថ្មីជាមួយBarcelonaរហូតដល់ឆ្នាំ ២០២៤ បន្ទាប់ពីកិច្ចសន្យាចាស់ របស់គាត់បានផុតកំណត់នៅថ្ងៃទី៣០ ខែមិថុនា នេះបើតាមការបញ្ជាក់របស់ក្លិបយក្សតំបន់កាតាឡាន់ កាលពីថ្ងៃព្រហស្បតិ៍ម្សិលមិញ។</p><figure style="text-align:center"><img src="https://cms.dmpcdn.com/article/2022/07/15/9ac19420-03f2-11ed-9c3c-51b711ab7b35_original.png" alt="" style="width:100%"/></figure><p>Dembele បានបន្តការស្នាក់នៅរបស់ខ្លួន នៅឯទឹកដី Camp Nou តាមរយៈការចុះហត្ថលេខាលើកិច្ចសន្យាថ្មីរយៈពេល២ឆ្នាំបន្ថែមទៀត ដែលនាំឲ្យបញ្ចប់នូវភាពស្រពេចស្រពិលជុំវិញអនាគតរបស់គាត់ជាមួយក្លិប។</p><p>ជាការពិតណាស់ Barca បានប្រាប់គាត់ឱ្យស្វែងរកក្លិបថ្មីកាលពីខែមករាបន្ទាប់ពីបរាជ័យលើកិច្ចព្រមព្រៀងបន្តកិច្ចសន្យាថ្មី។ មិនត្រឹមតែប៉ុណ្ណោះ ពួកគេថែមទាំងបានដកគាត់ចេញពីក្រុមចំនួនពីរប្រកួតទៀតផង ហើយបានគំរាមថាគាត់នឹងត្រូវនៅក្រៅទីលានសម្រាប់ការប្រកួតដែលនៅសេសសល់នៃរដូវកាលមុននេះប្រសិនបើគាត់នៅមិនព្រមបន្តកុងត្រាថ្មី។</p><figure style="text-align:center"><img src="https://cms.dmpcdn.com/article/2022/07/15/9c2bf990-03f2-11ed-95d6-7591f720c7cb_original.png" alt="" style="width:100%"/></figure><p>ទោះបីជាយ៉ាងណាក៏ដោយ គ្រូបង្វឹក Xavi Hernandez ដែលតែងតែចង់រក្សាទុក Dembele នោះ បាននាំខ្សែប្រយុទ្ធស្លាបរូបនេះ មកលេងក្នុងក្រុមវិញកាលពីខែកុម្ភៈបើទោះបីជាត្រូវប្រឆាំងនឹងក្លិបក៏ដោយ។ ហើយជាលទ្ធផល Xavi បានធ្វើឲ្យកីឡាករវ័យ២៥ឆ្នាំរូបនេះ មានទម្រង់លេងល្អប្រសើរវិញ នឹងថែមទាំងជាកូនសោរសំខាន់ ក្នុងការស្ដារ Barca ដែលពីចំណាត់ថ្នាក់លេខ៩ ឡើងមកដល់លេខ២ទៀតផង។</p><figure style="text-align:center"><img src="https://cms.dmpcdn.com/article/2022/07/15/9ca9dc20-03f2-11ed-8fff-d5f4e8b9fa30_original.png" alt="" style="width:100%"/></figure><p>ជាមួយគ្នានេះ ក្រោយបានបន្តកិច្ចសន្យាថ្មី Dembele បានថ្លែងពី ចំណាប់អារម្មណ៍របស់ខ្លួនយ៉ាងដូច្នេះថា៖</p><blockquote><aside>ថ្ងៃ​នេះ​ជា​ថ្ងៃ​ដ៏​រីករាយ​។ ខ្ញុំមានការលំបាកជាច្រើនឆ្នាំដោយសាររបួស ប៉ុន្តែនេះគឺជាពេលវេលាមួយផ្សេងទៀត។ ជម្រើសដំបូងរបស់ខ្ញុំគឺស្នាក់នៅ។ [ការចរចា] មានរយៈពេលយូរ ប៉ុន្តែយើងទាំងអស់គ្នាសប្បាយចិត្ត ហើយខ្ញុំពិតជាមិនអាចទន្ទឹងរង់ចាំ ក្នុងការចាប់ផ្ដើមរដូវកាលថ្មីទេ។ គោលបំណងគឺចង់ឈ្នះពាន ក្តីស្រមៃគឺ Champions League ហើយខ្ញុំនឹងផ្ដល់ឲ្យលទ្ធភាពដើម្បីឈ្នះពាននេះ។ ខ្ញុំនឹងប្រឹងប្រែង ហើយខ្ញុំសង្ឃឹមថាវាជាឆ្នាំដ៏ល្អសម្រាប់ខ្ញុំ និងសម្រាប់ Barca។</aside><label>— <i>កីឡាករ Ousmane Dembele&nbsp;</i></label></blockquote><figure style="text-align:center"><img src="https://cms.dmpcdn.com/article/2022/07/15/9d5118a0-03f2-11ed-a1b1-21372575ce71_original.png" alt="" style="width:100%"/></figure><p><b>ប្រភព៖​</b> <a href="https://www.espn.com/soccer/soccer-transfers/story/4694073/ousmane-dembele-signs-new-barcelona-contract-until-2024">espn</a></p><div><h2>ដៃគូរសហការ One Football</h2><div style="margin:0 auto;max-width:100%;min-width:300px"><div style="position:relative;padding-bottom:56.25%;height:0;overflow:hidden"><iframe style="width:300px;min-width:100%;position:absolute;top:0;left:0;height:100%;overflow:hidden" src="https://embed.dugout.com/v2/?p=eyJrZXkiOiIiLCJwIjoidHJ1ZS1kaWdpdGFsLWtoIiwicGwiOiJnR2hGSHdZYSJ9" referrerPolicy="no-referrer-when-downgrade" width="100%" frameBorder="0" allowfullscreen="" scrolling="no"></iframe></div></div></div>

អត់ចេញទៅណាទេ! ទីបំផុតតារាឆ្នើមរូបនេះ បានបន្តកុងត្រាថ្មីជាមួយ Barca ដល់ឆ្នាំ២០២៤