Messi ថាក្រុមជម្រើសជាតិអាហ្សង់ទីន មិនដែលពឹងផ្អែកលើគេទាំងស្រុងទេ
អឺរ៉ុប៖ ខ្សែប្រយុទ្ធ Lionel Messi បាននិយាយនៅក្នុងថ្ងៃនេះថា ក្រុមជម្រើសជាតិអាហ្សង់ទីនមិនដែលពឹងផ្អែកលើគេទាំងស្រុងនៅក្នុងប្រកួតណាមួយនោះឡើយ។
Messi បាននិយាយថា៖ "និយាយទៅក្រុមជម្រើសជាតិរបស់ខ្ញុំមិនដែលពឹងផ្អែកលើខ្ញុំទាំងស្រុងម្ដងណានោះទេ។ ព្រោះពួកយើងតែងតែធ្វើម៉េចឲ្យក្រុមយើងទាំងមូលខ្លាំង។ យើងតែងតែនិយាយថាបើក្រុមយើងមិនខ្លាំងនោះគោលបំណងក្នុងការឈ្នះពានអីមួយហ្នឹងច្បាស់ជាពិបាកសម្រាប់យើងណាស់។ ខ្ញុំគិតថាក្រុមរបស់យើងក្លាយជាក្រុមខ្លាំងមួយហើយ ព្រោះយើងតែងតែខិតខំហាត់អីហ្នឹងជាយូរមកហើយ។ ដូចក្នុងប្រកួត Copa America អីអញ្ចឹងយើងបានខំប្រកួតទៅតាមសមត្ថភាព និងបទពិសោធន៍ដែលយើងមាន។ តែម៉េចក៏ដោយឥឡូវនេះយើងនៅតែខំហ្វឹកហាត់បន្ត អញ្ចឹងខ្ញុំគិតថាពួកយើងដើរលើផ្លូវត្រូវ"។
កីឡាករនេះបន្តថា៖ "វាពិតជាពិសេសមែនទែន។ អ្វីៗដែលខ្ញុំលេងជាមួយក្រុមជម្រើសជាតិរបស់ខ្ញុំគឺថាសុទ្ធតែពិសេសទាំងអស់ទោះជាប្រកួតនោះជាប្រកួតមិត្តភាព ប្រកួតវគ្គជម្រុះ ប្រកួត Copa America ឬប្រកួត World Cup អីក្ដី។ ខ្ញុំមិនដែលនឹកស្រមៃថាលេងច្រើនប្រកួតអីអញ្ចឹងទេ។ ខ្ញុំមិនដែលគិតថាខ្ញុំបានមកពិនហ្នឹងនោះទេ ព្រោះខ្ញុំគិតថាខំលេងពីមួយថ្ងៃទៅថ្ងៃដើម្បីធ្វើយ៉ាងម៉េចកាន់តែល្អប្រសើរ"៕
ប្រភព៖ Goal