នោះៗ! ក្រោយបាត់បង់ Gakpo ក្លិបបិសាចក្រហម Man UTD អាចនឹងរបូតគោលដៅម្នាក់នេះទៀត ទៅដៃ Arsenal

បរទេស៖ ក្លិបកាំភ្លើងធំ Arsenal ត្រូវបានគេរាយការណ៍ថា ត្រូវបានគេរាយការណ៍មកថា កំពុងនាំមុខ ក្លិបបិសាចក្រហមManchesterUnited ក្នុងការប្រជែងយក ខ្សែបម្រើ SergejMilinkovic-Savic ។

Milinkovic-Savicជាខ្សែបម្រើដ៏ឆ្នើមម្នាក់នៅក្លិប Lazio ក៏ដូចជាលីគអ៊ីតាលីហើយទាំងក្លិបតោខៀវ Chelsea និង​ Man UTD សុទ្ធតែចាប់ចិត្តចង់បានកីឡាកវ័យ២៧ឆ្នាំរូបនេះ។

យ៉ាងណាមិញ បើយោងតាមរបាយការណ៍កាលពីដើមខែនេះក្លិបកាំភ្លើងធំ Arsenal ទំនងជាក្លិបដែលប្រជែងឈ្នះក្នុងការដណ្ដើមយក Milinkovic-Savic ។

ជាមួយគ្នានេះ​ ប្រធានក្លិប Lazio លោក Claudio Lotitoមិនមែនបំណងចង់ចែកផ្លូវជាមួយ ខ្សែបម្រើសញ្ជាតិស៊ែបី រូបនេះនោះទេដោយចាត់ទុកគេជាកីឡាករសំខាន់ប្រចាំក្លិប ប៉ុន្តែ សុពលភាពកុងត្រា របស់ Milinkovic-Savic នៅសល់ត្រឹម១៨ខែទៀតប៉ុណ្ណោះ ខណៈការចរចាបន្តកុងត្រាថ្មីក៏នៅមិនទាន់មានសញ្ញាវិជ្ជមាន។

ហើយបើយោងតាមកាសែតអ៊ីតាលី IlCorriere dello Sport បានឲ្យដឹងថា ក្លិប Lazio មិនចង់ប្រថុយបាត់បង់ Milinkovic-Savic ទាំងមិនបានតម្លៃខ្លួននោះទេ ដោយអាចនឹងបញ្ចេញរូបគេ នៅខែមករា ខាងមុខ ដើម្បីទទួលបានថ្លៃផ្ទេរ៕

ប្រភព៖​ AF