ច្បាស់ៗចឹងហ្មង! Crouch ថាខ្សែប្រយុទ្ធរូបនេះជាកីឡាករឆ្នើមបំផុតដែលគ្មានអ្នកធ្វើបានដូច

May 10, 2022

អង់គ្លេស៖ លោក Peter Crouch បាននិយាយថា ខ្សែប្រយុទ្ធ Lionel Messi នៃក្លិប Paris Saint-Germain គឺជាកីឡាករឆ្នើមបំផុតក្នុងប្រវត្តិសាស្ត្របាល់ទាត់ដែលគ្មានអ្នកណាអាចធ្វើបានដូចគេនោះឡើយ។

Messi ដែលជាម្ចាស់ពានបាល់មាស Ballon d'Or ដល់ទៅ៧ដងតែងតែត្រូវបានបានគេយកទៅប្រៀបធៀបនឹងខ្សែប្រយុទ្ធ Cristiano Ronaldo ដែលឈ្នះ Ballon d'Or បាន៥ដង។

ខ្សែប្រយុទ្ធ Lionel Messi និង Cristiano Ronaldo — ខ្សែប្រយុទ្ធ Lionel Messi និង Cristiano Ronaldo

តែសម្រាប់លោក Crouch វិញគឺលោកគិតថា Messi ល្អបានមួយចប់គឺទាំងការស៊ុតបញ្ចូលទីនិងតាក់ទិចក្នុងការលេងបាល់ជាដើម។

លោក Crouch បានថ្លែងប្រាប់ BT Sport ថា៖

សម្រាប់ខ្ញុំគឺ Lionel Messi ជាកីឡាករល្អបំផុតក្នុងប្រវត្តិសាស្ត្រ។ ក្នុងនាមជាកីឡាករបាល់ទាត់ និងជាអ្នកពូកែផ្នែកបច្ចេកទេសនៃការលេងបាល់ គេអាចរត់កាត់មុខអ្នកនិងធ្វើឲ្យអ្នកមានភាពរំភើបញាប់ញ័រ និងបានស៊ុតបញ្ចូលទី ដែលគ្មានអ្នកណាល្អជាងគេទៀតឡើយ។ គេជាអ្នកស៊ុតបញ្ចូលទីដែលល្អបំផុតហើយនោះជាការពិត។ គេបានក្លាយពីអ្នកលេងនៅលើទីលានមកជាអ្នកស៊ុតបញ្ចូលទីដែលគ្មានពេលសម្រាក។ គេអាចប្រែក្លាយមករកបានយ៉ាងតិច៤០គ្រាប់ក្នុងមួយរដូវកាលជារៀងរាល់ឆ្នាំ ហើយបើគិតពីរយៈពេលដែលគេធ្វើបានបែបនេះគឺវាពិតជាមិនគួរឲ្យជឿសោះហើយ។
— លោក Peter Crouch

ប្រភព៖ sportskeeda

ដៃគូរសហការ One Football

អានបន្ថែម