Carragher ទស្សន៍ទាយថាក្រុមជម្រើសជាតិមួយនេះបានត្រឹមជើងឯករងទេនៅ World Cup 2022 នេះ

អង់គ្លេស៖ លោក Jamie Carragher បានទស្សន៍ទាយថាក្រុមជម្រើសជាតិ ព័រទុយកាល់ បានត្រឹមតំណែងជើងឯករងប៉ុណ្ណោះនៅការប្រកួតបាល់ទាត់ពិភពលោកឆ្នាំ២០២២។

Ronaldo ក្នុងនាមជាប្រធានក្រុមជម្រើសជាតិព័រទុយកាល់ នឹងដឹកនាំក្រុមនេះប្រកួតនៅបាល់ទាត់ពិភពលោក ចាប់ពីថ្ងៃទី២០ខែវិច្ឆិកា រហូតដល់ថ្ងៃទី១៨ខែធ្នូ ដោយក្នុងនោះព័រទុយកាល់ ត្រូវប៉ះក្រុមជម្រើសជាតិ ហ្កាណា នាថ្ងៃទី២៤ខែវិច្ឆិកា។

ថ្លែងប្រាប់ Sky Sports លោក Jamie Carragher គិតថា ព័រទុយកាល់ នឹងបានឡើងដល់វគ្គផ្ដាច់ព្រ័ត្រដំបូងបង្អស់ក្នុងប្រវត្តិសាស្ត្រប៉ុន្តែបានត្រឹមតំណែងជើងឯករងប៉ុណ្ណោះ។

គួរបញ្ជាក់ផងដែរថា ព័រទុយកាល់ ស្ថិតនៅពូល H ជាមួយ ហ្កាណា, អ៊ុយរ៉ាហ្កាយ និង កូរ៉េខាងត្បូង៕

ប្រភព៖​ sportskeeda