ដល់ថ្នាក់ហ្នឹង! កីឡាករ PSG រូបនេះទម្លាយថា Messi ធ្លាប់ខឹងនឹងគាត់ខ្លាំង រហូតដល់ថ្នាក់ចង់.សំ..លេ.ស.គាត់

June 19, 2022

បរទេស៖ ខ្សែបម្រើ Leandro Paredes ទម្លាយថាLionel Messi ធ្លាប់ខឹងនឹងគាត់ខ្លាំង រហូតដល់ថ្នាក់ចង់.ស.ម្លា.ប់.គាត់ទៀតផងនៅក្នុងការប្រកួតរវាង Barcelona ទល់នឹង ParisSaint-Germain នៃពានរង្វាន់ Champions League រដូវកាល ២០២០-២០២១។

ជាការពិតណាស់ នៅពេលនោះ Messi មិនទាន់បានផ្ទេរមក PSG នោះទេ ដោយរូបគេនៅជាកីឡាកររបស់Barca នៅឡើយ, ខណៈការប្រកួតខាងលើក្រុមអ្នកមានបុណ្យបានបរាជ័យក្រោមថ្វីជើងក្រុមអ្នកមានបារាំងក្នុងលទ្ធផល៤-១ ហើយក៏បានធ្លាក់ចេញពីពានរង្វាន់ UCL ត្រឹមវគ្គ ១៦ ក្រុមយ៉ាងគួរឱ្យភ្ញាក់ផ្អើល។

ទាក់ទងនឹងរឿងខាងលើ, Paredes បានរម្លឹកពីទិដ្ឋភាពនៅពេលនោះ ដោយថ្លែងប្រាប់កាសែត Caja Negra យ៉ាងដូច្នេះថា៖

គាត់ (Messi) បានខឹងខ្ញុំខ្លាំងណាស់ ដោយសារខ្ញុំបានប្រាប់ពីរបៀបបិទគាត់ទៅកាន់មិត្តរួមក្រុមរបស់ខ្ញុំហើយគាត់ក៏បានឮវា បន្ទាប់មកវាបានធ្វើឱ្យគាត់ខឹងនឹងខ្ញុំខ្លាំងឡើងៗ។ គាត់ពិតជាខឹងខ្ញុំខ្លាំងមែនទែន។គាត់បានរករឿងខ្ញុំ។ វាពិតជាអាក្រក់ខ្លាំងណាស់។ គាត់ចង់សម្លាប់ខ្ញុំហើយចង់ឱ្យខ្ញុំទៅផ្ទះវិញ៕
— ខ្សែបម្រើ Leandro Paredes

ប្រភព៖ Marca

ដៃគូរសហការ One Football

អានបន្ថែម