អេស្ប៉ាញ៖ យោងតាមសេចក្ដីរាយការណ៍ពីអេស្ប៉ាញ បានផ្សាយថាក្លិប Real Madrid នឹងដាក់សំណើទឹកប្រាក់១០លានអឺរ៉ូ(ស្មើនឹងប្រមាណ ១០.៦ លានដុល្លារ) ក្នុងការទិញយកអតីតកីឡាករម្នាក់របស់ខ្លួនគឺខ្សែការពារ Fran Garcia ។
Garcia កំពុងលេងឲ្យក្លិប Rayo Vallecano នៅក្របខណ្ឌ La Liga ដោយគេបានបង្ហាញទម្រង់លេងដ៏ល្អនៅលីគលេខ២កាលពីរដូវកាលមុន ដែលទាក់ភ្នែកឲ្យ Real Madrid យកគេត្រឡប់មកវិញ។
សារព័ត៌មាន Don Balon បានចុះផ្សាយថា Real Madrid ចង់ឲ្យការផ្ទេរនេះកើតឡើងខណៈដែល Fran Garcia មានតម្លៃផ្ដាច់កុងត្រា១០លានអឺរ៉ូជាមួយនឹង Rayo Vallecano ប៉ុន្តែ ភាគីលោក Carlo Ancelotti ត្រូវបង់តែ៥លានអឺរ៉ូ(ស្មើនឹងប្រមាណ ៥.៣ លានដុល្លារ)ទេ ដោយសារ ក្លិបនៅមានសិទ្ធិលើគេ ៥០ភាគរយ។
គួរបញ្ជាក់ផងដែរថា Fran Garcia បានបង្ហាញខ្លួនឲ្យ Real Madrid តែ១ប្រកួតប៉ុណ្ណោះ មុននឹងផ្ទេរទៅខ្ចីជើងនៅ Rayo Vallecano កាលឆ្នាំ២០២០ ហើយមួយឆ្នាំបន្ទាប់មក រូបគេចូលរួមជាមួយក្លិបជាអចិន្ត្រៃយ៍តែម្ដង៕
ប្រភព៖ sportskeeda