អីយ៉ាស់! Fabrizio Romano បង្ហើបថា Liverpool កំពុងតាមទិញយកជម្រើសជាតិបារាំងម្នាក់នេះ

May 4, 2022

អង់គ្លេស៖ អ្នកកាសែត Fabrizio Romano បានបង្ហើបឲ្យដឹងថា ក្លិបហង្សក្រហម Liverpool កំពុងសម្លឹងចង់បានខ្សែបម្រើ Aurelien Tchouameni នៃក្លិប Monaco ជាច្រើនខែមកហើយ។

Romano ក៏បាននិយាយដែរថា កីឡាករវ័យ២២ឆ្នាំរូបនេះអាចនឹងផ្លាស់មកកាន់ទឹកដី Anfield នៅរដូវក្ដៅខាងមុខខណៈដែល កាលពីរដូវកាលមុនគឺ Liverpool បានព្យាយាមទិញយកគេដែរតែបរាជ័យ។តម្លៃខ្លួនរបស់គេគឺខ្ទង់ ៣៨លានផោន(ស្មើនឹងប្រមាណ ៤៧.៣ លានដុល្លារ) កាលពីរដូវក្ដៅឆ្នាំមុន ដែល ម្ដងនេះ Liverpool អាចនឹងត្រូវចាយលុយទិញយកគេច្រើនជាងមុនទៅទៀត។

Fabrizio Romano បានបង្ហើបថា៖

Aurelien Tchouameni គឺជាកីឡាករដែល Liverpool កំពុងសម្លឹងចង់បានដែលក្លិបបានសន្ទនាជាមួយភ្នាក់ងាររបស់ខ្សែបម្រើក្លិប Monaco រូបនេះរួចមកហើយ។ ប៉ុន្តែយ៉ាងណាមិញ តម្លៃខ្លួនរបស់គេគឺខ្ទង់ ៤៥លានអឺរ៉ូ កាលពីរដូវក្ដៅឆ្នាំមុន គឺមិនមានសុពុលភាពទៀតទេ។ បើសិនចង់យក Tchouameni ពីទឹកដីបារាំងមែនគឺក្លិបត្រូវចាយលុយច្រើនជាងនោះទៅទៀត។ ប៉ុន្តែកីឡាករវ័យ២២ឆ្នាំរូបនេះចង់ផ្លាស់ប្ដូរបទពិសោធន៍ថ្មីនៅរដូវក្ដៅនេះ ហើយ Liverpool បានត្រៀមរួចរាល់ហើយក្នុងការយកគេមក។ ប៉ុន្តែ Real Madrid ក៏បានតាមយក Tchouameni ដែរ ដូច្នេះ Liverpool ត្រូវប្រជែងជាមួយក្លិបកំពូលក្នុងការយកកីឡាករសញ្ជាតិបារាំងរូបនេះ។
— អ្នកកាសែត Fabrizio Romano

គួរបញ្ជាក់ផងដែរថា ខ្សែបម្រើ Aurelien Tchouameni បានស៊ុតបញ្ចូលទីចំនួន១២គ្រាប់ក្នុងការបង្ហាញខ្លួន៩២ប្រកួត តាំងពីផ្ទេរពី Bordeux មក Monaco កាលឆ្នាំ២០២០៕

ប្រភព៖ caughtoffside

ដៃគូរសហការ One Football

អានបន្ថែម