Mount បង្ហើបថា កត្តាដែលធ្វើឱ្យគាត់អាចអភិវឌ្ឍន៍សមត្ថភាពបានលឿន គឺដោយសារតែ....

June 8, 2021

អង់គ្លេស៖ កីឡាករ Mason Mount បានបង្ហើបឱ្យដឹងថាការធ្វើជាប្រធានក្រុមនៅ Chelsea ម្តងម្កាលគឺអាចជួយបង្កើនទំនុកចិត្ត និងអភិវឌ្ឍន៍សមត្ថភាពរបស់គាត់បានកាន់តែលឿនក្នុងនាមជាមេដឹកនាំខណៈរដូវកាលនេះខ្សែប្រយុទ្ធសញ្ជាតិ អង់គ្លេស បានជួយឱ្យក្រុមតោខៀវគ្រងជើងឯក ChampionsLeague ទៀតផង។

បុរសវ័យ ២២ ឆ្នាំបានជាប់ឈ្មោះជាកីឡាករឆ្នើមប្រចាំឆ្នាំរបស់ក្រុមតោខៀវ ដែលរូបគេត្រូវបានតម្លើងចេញពីថ្នាលយុវជនតាមរយៈការមើលឃើញរបស់អតីតគ្រូបង្វឹកលោកFrank Lampard ប៉ុន្តែនៅចុងបញ្ចប់ Mount បែរជាអាចជោគជ័យដោយបង្ហាញទម្រង់លេងដ៏ល្អឥតខ្ចោះជាមួយលោក ThomasTuchel ទៅវិញ។

ដកស្រង់ពីគេហទំព័រផ្លូវការរបស់ក្រុម Chelseaខ្សែប្រយុទ្ធស្លាបសញ្ជាតិអង់គ្លេសបានលើកឡើងយ៉ាងដូច្នេះថា៖

ខ្ញុំធ្លាប់បានពាក់ស្លាកប្រធានក្រុម២ លើកមក ហើយពិតណាស់ ដោយសារតែរឿងមួយនេះវាបានផ្តល់នូវទំនុកចិត្តមកកាន់ខ្ញុំកាន់តែខ្លាំង។ខ្ញុំមានជំនឿចិត្តថា ខ្ញុំនឹងអាចធ្វើវាបានល្អ ប៉ុន្តែខ្ញុំមើលឃើញថា ខ្ញុំអាចធ្វើបានល្អជាងការរំពឹងទុកទៅទៀត។នោះហើយជាអ្វីដែលកីឡាករគ្រប់រូប ត្រូវការដើម្បីជំនួយពួកគេ។ ខ្ញុំកំពុងតែសិក្សាបន្ថែមអំពីទម្រង់លេងនៅទីនេះ។ខ្ញុំអាចធ្វើបាន ដោយពេលនេះខ្ញុំគឺក្មេងជាងគេនៅក្នុងក្រុមប៉ុន្តែខ្ញុំអាចធ្វើជាប្រធានក្រុមបាន ២ ទៅ ៣ លើកទៅហើយ៕
— កីឡាករ Mason Mount

ប្រភព៖ Goal

អានបន្ថែម