ស្រលាញ់ក្លិបណាស់! តារាឆ្នើម Arsenal រូបនេះ នឹងបន្តកុងត្រាថ្មីរហូតដល់ឆ្នាំ ២០២៧

អង់គ្លេស៖ ខ្សែប្រយុទ្ធ Gabriel Martinelli ត្រូវបានគេរាយការណ៍ថា នឹងបន្តកុងត្រារយៈពេលវែងជាមួយ Arsenal ក្នុងពេលឆាប់ៗខាងមុខនេះ។

ជាការពិតណាស់ Martinelli ជា កីឡាករដែល Arsenal មិនអាចខ្វះបាននៅក្នុងតំបន់ប្រយុទ្ធខាងឆ្វេង ដែលកំពុងតែរួមចំណែកជួយក្រុមស្ថិតនៅកំពូលតារាង Premier League ប៉ុន្តែ បើយើងនិយាយពីកិច្ចសន្យារបស់គេជាមួយក្រុមវិញនឹងអស់សុពលភាពនៅក្នុងឆ្នាំ២០២៤ ខាងមុខនេះហើយ។

បើយោងទៅតាមការចុះផ្សាយរបស់ The Atheltic បាបលើកឡើងថា Martinelli បានយល់ព្រមក្នុងការបន្តកុងត្រាថ្មីជាមួយ Arsenal រួចហើយដែលនឹងរក្សារូបគេនៅកីឡដ្ឋាន Emirates រហូតដល់ឆ្នាំ ២០២៧ ឯណោះ៕

ប្រភព៖​ Metro